ياصعب شيٍ ياهوى البال ناويه=ويابعد خدٍ ناوياته ضعونك
أشوف قلبك طايلاتٍ مساريه=وعني تنحت بالسحايب مزونك
شخصٍ تعوفه رح ولا تلتفت فيه=ماهوب محتاجٍ لنظرة عيونك
لا عاد تبكي حزن وتقوللي ليه=الدمع لايجرح نعومة جفونك
وقلبٍ جرحته لا تحاول تداويه=خله يعاني من قساوة طعونك
بالله قلي ماحصل وش تسميه=أغلى حبيبٍ لك بلحظه يخونك
حاولت بك ولاحصل شي ٍ أبيه=وخيبت ظني خيًب الله ضنونك
تصفى لغيري بالمحبه وتغليه=وتبيع ناسٍ بالموده يبونك
مالله قسم وصلك ولو كنت باغيه=ومالله قسملي عيشتٍ وسط كونك
هنا غلا ماهوب زيف ٍ وتمويه=أبعد من حدود السماء عن جنونك
لو أن وصلك بالملايين نشريه=نزيد لو لحسابنا يرخصونك
ولو أنها بالمرجله والمشاريه=نذرٍ علي من جاك لطيح دونك