مدري جفا والا سهر قلّت النوم= بس الوكاد اني بروحي فديتك
لو منت غالي كان ما يلحقك لوم= وما كان اقدّم شرهتي يوم جيتك
وانا على خوتّك ما اقبل بك السوم=وإليا عطيتك ما اذكر إني عطيتك
سنتين طافنْ صاحبك منّك محروم=ومافيه يوم (ن) مر والا طريتك
راضي لأن اللي حصل شي مقسوم= ولولا الحيا لتشوفني عند بيتك
والحب عندي يالغلا شبهْ معدوم =ويمكن /يعيش/ الحب لامن لقيتك
والا ورى الضلع القصيّر لك إعلوم = مضمونها ببطي وانا ما نسيتك !
وش حيلتي لا عشت بأحلام وهموم = وش حيلتي لامن ذكرتّك بكيتك
خلاص كنسلت العلاقه من اليوم = واشره علي يا صاحبي كان جيتك