أنا والسهر والضيق والنوح ياسعود=ثلاثت ضيوف وربّعو فالمحاني
يقولون يابن شريم ماودك بزود؟=وأنا أقول ماقصّر زماني عطاني
وأنا بذكر اللي قلت وعيوني شهود=يبان التعب لو ماتكلم ألساني
وش أكثر من السهران والعالم رقود=تنام العيون ونومها ماهناني
وش أكثر مدام الجود بالضيق موجود=يمدّ العطا ويقول قرّب عشاني
وش أكثر مدام النوح لاهبّت النود=أحس الهبوب أتقول نوحك دعاني
وأنا ماعلي أخلاف والسيف مجرود=أشيل الحمول ولاتعثّر أحصاني
عرفت الحياه وشفت ماشفت والعود=عطاني وعلّمني وثبّت مكاني
كلامه يورّدني على الجود وآجود=وفعله ينسّيني بلاوي زماني
وأنا متّكل بالله ومطلاعي سنود=عساني أحقق مانويته عساني
ترى الرجل لاجنّب عن قليّل الفود=بقى ذكره الطيّب حديث الثواني
وأنا بختصر ماقلت والوقت محدود=لوأكتب عن الخافي تضيق المعاني
ذكرت السهر والضيق والنوح ياسعود=ثلاثت ضيوف وربّعو فالمحاني