20-10-2014, 02:41 PM
|
رقم المشاركة : 1
|
|
وقفة مع شاعرة الاسى نوره
السلام عليكم
بدون مقدمات
وقفة مع شاعرة الاسى نوره
ّّّّّّنوراة الشعر ّّّّّ
**تنبيه *
اللي ماله قلب لا يكمل
اذا كنت ميقن بدنوو وقت الرحيل ,, فكل شيئ سواه لايهمك
هو فقط الرحيل .....
لاتزين البيت مالي بالبلد حاجه 00000 بقضي في وسط لندن آخر أيامي
الكون كنه بعيني طافي اسرجه 00000 من بعد ماقالو التقرير قدامي
دكتوري اللي مخصص وقف أعلاجه 00000 يقول صعبه عليها تلحق العامي
ماني بخبرك لزين البيت محتاجه 00000 هذاك الاول معاكم حظنا قامي
مالي بذاك الوطن والهم وزعاجه 00000 وانت سبب غربتي ياسعود وآلامي
الله كتب لي حظوظن مير منعاجه 00000 مغير افكر طوال الليل مانامي
قصيده من القلب والدليل وصولها لقلوب من يثمنون الشعر
تكفون ياناس قولوله ترا نوره
طاريه لامن حضر دايم يبكيني
ايام يا سعود وقتك عاد بالدوره
صبرت لين الصبر بيّح بما فيني
بصبر على ما مضا والنفس مجبوره
لوكان بعدك شقايا يانظر عيني
النفس عقب البطا ياسعود مخطوره
تمشي مع الثانيه وانا مخليني
العبره اللي بوسط الجوف مكسوره
ياكثر ماسالت الدمعه بخديني
اجلس انا بصالتي وناظر الصوره
واقول ليتك معايا باقي اسنيني
قصيدة تتضح فيها معالم الحزن والاسى ومعبرة بكل ماتملك من حرف
والله يصبرها
يوم القدر بــــــعده يا عبرتي هلي 00000 مالى جدا للبكا ومشــــــاهد الصوره
كرهت غــــيرك يماشيني ولو ظلي 00000 يا روح روحي وقلبي يا بــعد نوره
ياسعود ماعاد لي من بعدك امسلي 00000 انشــــهد انك منى قلبي ودستوره
اطلب من اللـــــــه يردك كل ما صلي 00000 وقول نوره بحب ســــعود مجبوره
صبرت لين الصــــــبر من صبرنا ملي 00000 تكفون قولو بحب ســعود معذوره
تكفون يا ناس شـــــــوفو يمنا حلي 00000 فى علتي ماعــرف مافّي دكتوره
اسبابها الثانيـــــــــــه ياعلها تولي 00000 حسبي عليها عدد مادارت اشهوره
والخاتمه لو ضــحكت القلب في غلي 00000 اضحك وجامل ومنه الحال مخطوره
ياقوو مرارة الغربه
وغربة نوره يزيدها المرض ,, والفقد
سنتين فى لنــــــــ ــدن بليا علاجي 00000 ياليتني عن ســــفرتي مستخيره
مريضتن وســــــــ ـعود عكر مزاجي 00000 وفوق المرض جتني همومٍ كثيره
ياســـعود شوفك بسمتي وبتهاجي 00000 امانتك ياســــعود حالي خطيره
اصبر علّي لو شـــفت منّي ازعاجي 00000 اصبر عسى فى تالي الامر خيره
يا كثر ناسٍ ســـــــــ ـببتلي احراجي 00000 كلامهم ليّه ســــــــيوفن شطيره
انت ودارن كلــــــــ ــــبوها عجاجي 00000 اهّون من الغربه وعيــشه مريره
للامانه انا ماقريت لـ نوره الا من قريب
وكل ما اقرا لها تجي في بالي عابرة سبيل الله يرحمها
وبالصدفه لقيت قصيده لها عن عابرة
وقسم بالله يوم قريتها كش جلدي
حلمي بالشاعره عابرة سبيل أنها من حور الجنه (( الله يرحمها ))
البارحه بالحلـم شفـت العابـره
قلت السلام وجاوبت يالصابـري
قلت الاهل في خير قالت خابـره
وابو فهد عساه قلبـه صابـري
قولي تراني عقب فقـده صابـره
ولولا المرض مارحت قلبه خابري
هذي ضروف الوقت دايم دابـره
والعمر لو طوّل لزومن عابـري
لا تحسبينـي عقبهـم متكابـره
يابنت جرحي فى فؤادي مابـري
هلت دموعي فوق خـدي عابـره
وفزيت من نومي ودمعي .......
وهنا مجاراه من الشاعره نوضى للشاعرة نوره
وان شالله حيكون لي وقفه مع الشاعره نوضى وهي تستحق اكثر من كذا
اليكم المجاراه
نوره شاعرة الاسى
ياســــعود قلي علام الناس تبكيني 00000 وش شايفه وش جرا ياسعود علمني
نوضى
نوّارة َ الشعر بسّـك لا تونـّيني,, ,, يكفي خفوقي من الونّات مشغلني
نوره
اشــــــوف حتى الدكاتر ماتداويني 00000 عن التحــــــ ــــاليل علمني وطمني
نوضى
مالك ومال الدكاتر ياخلف عيني ,,,,الشافي الله إله الأنس والجنـّي
نوره
كان المرض منتـــــشر حذرا تخليني 00000 لوكان تبكي عليّ وخـــالصن مني
نوضى
والله ماأخليك لين الروح تِخـْـليني ,,,, وإلا تصير المشايخ قِِِـدْمِـ ك تغنـّي
نوره
اخذ الوصــــــ ــــيه طلبتك لاتبكيني 00000 لامت بيديك غسلني و كفني
نوضى
دمعي يغسلك ليامتّي على يديني,,,, وأخشى ليامن جيْتْ بأدفنكْ أدفنّـي
نوره
وعرف ترا من ســببكم كل مافيني 00000 كل المرض والبلاوي اللــي توطني
نوضى
لاتوجعيني ترى يكفيني مافيني ,,,, عين المواجع في هاللحظات خزّنـّي
نوره
وخلك مـــــع الثانيه ربي يجازيني 00000 واذكرني بالخير لامن سولفو عني
نوضى
أنتي الوحيده ولاغيرتس يسليني,,,, ولاغيرتس أحدٍ ركب ظنـّه على ظنـّي
وسلامتكم
اراها جرعة كافيه من الحزن
ربما اعوود بالمزيد
اوكسجين
مشاهدة ملفه الشخصي
البحث عن المشاركات التي كتبها اوكسجين
|
|
|