.
.
الشاعر : مطلق عبيد الحضينة
نبذه عنه : مطلق عبيد الحضينة العازمي الملقب بــ ( العماوي )
من فخذ الذيبات
ولد عام : 1911م , وتوفى رحمه الله 1994م
لشاعرنا قصائد كثيره في أمور الحياة اليومية عاش حياته بين البر والبحر وعاصر شاعرنا الكثير من الشعراء المعروفين امثال
عوض الدواي _ سالم بن تويم _رجا الفزير _ مرشد البذال _ سعود بن كليب _ وغيرهم من الشعراء الكبار
(( الـــديوان ))
(( 1))
البارحه جاني وانا في مكـــــــاني = واجهة من يزها ثلاث الرقـــومي
واصبحت ماكن الحبيب وطــــاني = الله لا يثري ثراك الحلــــــــــومي
ياراكب اللي ما ركبها الهــــــداني = حمرا من العيرات صفرن ردومي
اركب عليها ياحتين الخــــــــواني = يابن سعد حيثك تجيب العلـــــومي
أبيك تنحر صاحبن ما جفـــــــاني = خودن لغيري ما هقيته يشــــــومي
عشقي لها من غير الاشهر ثماني = راحن ثمان اسنين يشدن يـــــومي
ماخبر جاني من رهيف الثمـــاني = الا ليا جيته غدن الهمـــــــــــومي
من زين هرجه لا هرج باللسـاني = من هرجه معاد وده يقـــــــــومي
عقله رزين وخالطه معشـــــراني =ولأهل الهوى ضارن لقطع السلومي
زينه ولاهي من كبار المثاني = ألا ولاهي من كبار اللحومي
عوده يشادي مطرق الخيزراني = في غرستن ما لوحتها السمومي
والراس يشدي ذيل بنت الحصاني= شقرن يحويهن زهن اللمومي
ليا ذكرته يامحمد شعـــــــــــــــاني = أحارب العيشه وحاربت نـــــومي
اليوم مدري لو ورى ضلع ابــاني = أقفا كما طيرن نزع عقب حومي
واليوم عطني منه علمن بيــــــاني = بنخاك يامنصا العيال القــــرومي
قله ترى حاتنك راعي العداني = ابو نهيداتن تشيل الهدومي
جانك ليا جيت الحبيب بغاني = هاته نهابه جعل عمرك يدومي
وكانه دله مع من دله كد نســــاني = خله بداره ماعليكم لــــــــــزومي
((2))
لا والله الا حال من دونه الخور = ومن دونه الدوحه تلاطم بحرها
لا زارعن معكم ولا ابيلكم شـور = حتيش لو بـكـر عـلـيـكم مطرها
القلب يافالح من الصبر مخطـور = صـبـر لـيـالـن ما هقيته صبرها
ابنحر اللي فيه مولع ومجـــبــور = لا واهــنـي الـلـي ديـاره نـحرها
ابنحره من فوق من يدفر الزور = لا كبـرت الموجه بصـدره دفرها
والله لو دونه خرابات وبحـــــور = لجيه لو عرضت نفسي خطرها
(( 3 ))
اليوم ياخزنة هل البر والســــيف = الله يعديك الأثــــام وخــطــــرهـا
اثرك كذوب ولا تهاب المحــــاليف = اخطيت ياريف العيون ونــظرهــا
ياعين حرن في طوال المشاريف = كم ريش برقا في كفوفه نـثرهـا
طولت حسك ياحسين التواصـيف = ما صار شــي ربـي اللي سترهـا
انا ليا شفتك تضيع التصــــاريف = ونـفـسـن هـفتلك لا تبين قشرهــا
(( 4))
عساج يالرقه لســيـــلن باثر سيل = والعشب فوق السطح تنبت اعروقه
من مدلهمن بارقه تالي الــلــيـــل = مع أيـمــن الــجبــله تكاشف بروقه
يادار ضبي ن بالبني كنه اسـهـيـل = والعـمر زملوقن تغظرف اعنوقه
يا امتعبن حبال راع المحــابـيــل =يشـوف مــيــر الذوق مااحرز يذوقه
والله يالولا الخوف وادراك بالحيل = لجيك لو فيــنــا قلــيلــن اوفــوقـــه
(( 5 ))
قبل الخميس بيوم لاعاد مـن يوم = يومن يسمى الاربعا ليت ما عاد
وبتلى هذاك اليوم صرنا من الـــقوم = وبـــانت مواريها نياشين الأوكاد
ومدري علام اللي زهى خده ارقوم = واليــوم لا ساوق ولا عاد ينقاد
وكثر علي امواجعه دايــــم الـــدوم = ولو كثر الزلات ماهوب نشاد
ويا قلت مر ابغفلتن قال مـهــمـــوم = اتبع رضاه وزبدت الهرج ما فاد-
ويارجل صدي عنه مانـــيب ملزوم = ماعدلي عنده جروه ومقعاد
لو كان دخلي الحشا منه مثلوم = فاخت كما تفخيت صادر اوراد
(( 6))
ياعـل قلب مخضب الخمس للطمس = ماريـتة قـبـل امـس ماهـيب ريه
يا صار يروي قبل تشرقله الشمس = وين الحبيب ووين راع الرعيه
نطرت ماها لين رصتني الشمس = وعوت منها معيف واصفق ايديه
ياحـمـس قلبي يوم ما شفتها حمس= حمست حميسن فوق نارن لظيه
اتـقـالـبـه مـشـفـوحـتـن بـالـهـا عـمس = تــبـيــه مــا يقـصــر يـوفي الـوقيه
(( 7))
يارجل لـــو انـــك عـــلى الخد توطين = كد جيت ملهوف الحشا من زماني
ما توصــليني خــدهــا لــو تعرجين = امشي وانـــا ابزاومـك بحبياني
اللي كسرت امن المخايط ثـــلاثـــين = وهيدوك دون المشي دمي غشاني
والصبر مامن صبر دون النهارين = ان كان ما جيته ترى الموت جاني
(( 8 ))
يامل قلبن جاوب الصيت لاصاح = اليوم يقنب مثل مايقنب الــــصـيت
من شدة البدوان يوم المطر طـاح = وانا سكنت الاحمدي ما تـــعــديت
يبون براقن لسيله تمرجــــــــــاح = وما دوجوبه ناسعين الــتـــوالــــيت
اقفو كما اللي لووحوله بملـواح = اقفى يخفت في طياره تــــخــافــيت
اقفوا وقفوا واقتفوا كل مصــــلاح= راحت جرايرهم تبارى تــفــاخيت
هذي جرايرهم وتال العرب راح = مع طايرات انبيها والنحــــاتــيـــت
يازوح قلبي يوم تال الظعن زاح = شاعوه يومني مع الـبـدو خــفــيت
اقفابه اللي في ليالن مضــى لاح = بالحلم والا بشوفتـه مـا تـرهـــيت
اليوم دونه بيض الاطعاس تلتاح = من عقب ما امره ليا اقبلت واقفيت
(( 10 ))
ياتل قلبي تل دلــــون جـــذبها = قــوي حــيـــل وتــلها ما دراها
يوم اقبلت يبا الـروا ما شربها = أقفت ومعها قطعتن من رشاها
على هنوفن يوم علمي انا ابها = اهي هوا قلــبـي وشوفي امناها
واليوم اخذها واحدن من عربها = ولا والله ادري نوها وما وراها
ياليت عنها قظب يومه قضبها = الله يلوم اقرابها واقصراها
(( 11 ))
يامراح ياليتك تقفيت راعيك = والا المواري خربتها الهبوبي
يامراح لي يومين حار القدم فيك = جداي بس الما غداي وشروبي
يامراح جعل الله بسيله يجازيك = سيلن على جوك تروج النضوبي
ذكرتني يامراح غرون مشى فيك = ذكرتني حليا الغزال العجوبي
((12 ))
جيت الطبيب وقال دوك الــــحبوبي = أشرب عليهن كود يبرن الاوجاع
قلت انا طرب قلبي مليح الأعجوبي= اللي نحى مع ضف بدون ابمرباع
(( 13 ))
يـالله يـا مــرجــعــن للــدار بالحيا = يامخضرن للدار عـقـب امـحولــها
يـاراحــم اللـي دور الـحــول عقبه = في صحتن عــدو عينك أيــزورها
في صـــحتن فيها الاوادم بالعرب = قامت تقص اظلوعها من اظهورها
يا منجي محمد من لهيب النارنجنا = منها وجنبنا مواذي اشــــرورهـــا
ومن عقبها ياكاتب الحبر بالقــلـــم = اكتب على مـا قالــك لا تــــعورها
ومني سلامن عدد ما ذعذع الهوى= وعـد الـسحاب وعد لمت انشورها
(( 14 ))
يارشيد صار البر عج ومعاصير = نـوبــن جــنوب ونوب تنقر شمالي
من اولن عجه علينا شــخــــاتير = والعشب يشدي مثل وصف الزوالي
واليوم ما والله يغني به الــطــير = خــدن مــحــل وامن المقاطير خالي
(( 15 ))
يالله ياوامر تطيعه هـــــــبوبه = يامخضرن عود المحل عقب اليباس
تردهم لو كانهم اجنبــــــــوبه = ولو ان فيه مشاورن كان لا بـــــاس
يبون براقن مطرها حكـــوبه = حكوبه الطرشان من دون عســـــاس
ياليت دربي دايمن مع دروبه = ابو جديل اشقر على الردف محتاس
(( 16 ))
الدبدبه تصلح لراعي المغاتير = والا ربع حنتوش ما تستويله
احدن على ابعيرين واحدن على ابعير = واحدن زهابه بعض ربعه يشيله
وراك يالزاروع يوم اقبل الخير = خل الدبادب وانحدر للأصيله
اصبر ليالن ياكبير الجماهير = من قلت الما ماتسوي الدليله
ياسرع ياجمعان منها تبا اتنير = منها ينيركم ضما بس ليله
ياكملت خبرا الحدب والشخاتير = اعرف ترى ما فالدبادب ثميله
(( 17 ))
ياشبه وضحن مع الجبلان = ماحطوا القيد في ايديها
مرباعها نجد والصمان = ما قارب السيف راعيها
يا روحت تقرع الجرسان = كل اول الذود يتليها
لا تحسبن مرتي حقران = يوم العجيز انخليها
حياة من ينشي الامزان = ماعندنا يالغضي فيها
(( 18 ))
ياشبيه اللي على نايف الجالي = لا كفح ما عاد تدرج حباريها
والله انى ما نبي غيركم غالي = والعلوم اللي تحسك لخليها
يوم تكفي الدلو في وجه عطشاني = حذفتك لدلو وشعندكم فيها
ماصفطت امن ازرق الجم فنجالي = من جليبن كل الامه اتريها
لو بغيت انساك والقلب عزاني = هلت العين الشقيه عباريها
(( 19 ))
ياشوق يومنك نقزت ابخطيه = وش التجرش يابعد كل غالي
فرقاك ضيمن ياعشيري عليه = مير انت اشوفك مجفين لك ليالي
يا لاحلك برقن تشاعل نويه = عليك ستر الله على كل حالي
هذا جزاك وحقك اللي عليه = يومك اليامك غبت جالك مجالي
(( 20 ))
يامجبل اليوم ماتلحق علي بلون = مير احفر القبر في دربن يمرونه
حطه على دربهم ليا بغوا يروون = اظنهم لا وطوا قبري يرشونه
حط النصايب طوال وعلم المزيون = اظن لا مرهن يشوف بعيونه
بالك تعلم بني عمه ولا يدرون= اظن بالحق مضنوني يحقونه
(( 21 ))
تكفى يابن جمعان ضاع الحول فيه = والعين ياعين الرفيق اتلفتها
سمحلي الدعوه من اللي غدت فيه = وامن اللي ابداغرات الديود ارضعتها
يقولي قولن وانا فاطنن فيه = زليتلي في كلمتن وازعلتها
ياحر قلبي ليت من عاد يرضيه = وياليت زلت هالزمان ادمحتها
(( 22 ))
ياضبي جاك اليوم ضيبن يحاليك = الله جمع ضبي السهل والحزومي
ياضبي خشف الريم ليته موصيك = برد السلام ولا عليكم لزومي
(( 23 ))
يابن هديه فداك اللاش = اللي تجيب الخبر ليه
البدو ما حاشهم حواش=على قرايا الصبيحيه
متى الموارد تصير اقطاش= ويجون من عقب حوليه
(( 24 ))
كان فات رمضان وفات عيد الضحيه=فات عيد الضحيه مثل عيد رمضاني
ما حصلي مجي الزين دمث الشفيه=والله اني ما عده من حساب الاخواني
رح وانا اروح يا راع العلوم الرديه=طعتبي هرجت اللي لا هرج ما دراني
طعت هرج العرب في ما يقولون فيه=طفختك العلوم وخنت بي هالزماني
أهل الحسد قبلك يا عيون الدنيه=القلوب اللبيبه أودعوها امتاني
يودعون الاخوان يجون مثل ادَوميه=أهل الحسد قبلك يارهيف الثماني
لا توحى الاخو بخوه فارق أوخيه=لا توحى هروج مضيعيين المعاني
كان قلبك يبيني لا تغلا عليه=أفهم العلم مثلي يوم علمك قراني
يوم علمتني بالبينه والخفيه=جيت ياريف عيني من سبايبك عاني
آه ياتل قلبي يوم تطري عليه=من فوادي تتله تل حبل السواني
تلة الغرب حبله من جما العيلميه=لنتحتبه فتاةٍ من نياقن سماني
قلبي اللي عليها بيح الله كميه=قمت اداري حلال القوم لينه فضاني
من فوادي غدتبه بنت حام التليه=بنت هيف الغنم ذباح حيلن سماني
واهني بالهني من حطها في حويه=يرقد الليل مع غض النهد بالمكاني
وبأطلب الله رفيع الشان جزل العطيه=جعل تبنا لها الحجره بزين المباني
جعل عقب الغلايل يقضبنه يديه=واحلالاه يا لاماه والعمر فاني
سبته صرت مثل اللي جنونه قويه=ما يفيد المطوع يا ملا لو قراني
اشهدني عدمت ومت والنفس حيه=وليت يامت تدفن يالحبيب وزاني
(( 25 ))
والله جزا ما قلت ما والله اسقيك=وطويتك دلوك يوم تطوي رشاها
لا شف عينن فيك دايم تراعيك=ونفسن تبيك اني لا جنب ارضاها
وشلون قلبي عقب هذا يصافيك=محبتك فعلن فعلته جلاها
واليوم رح وأروح لو خاطري فيك=عشرتك الك واللي وراها وراها
جمع وتحقيق / طلال محمد الحضينة
تنسيق / نايف عوض بن مطيع
ديوان الـشاعر : مطلق عبيد الحضينة (( العماوي )) ... [ رحمه الله ]
( تقرير عن مشاركة مخالفة ) ، و الموجودة أسفل كل مشاركة .