صحيح أنا مجنون لو قلت أبنساك=وإذا نسيتك صدق ماني بصاحـي
مادمت رايح يا أريش العين برضاك=هذي قصيدة لـك قبـل المراحـي
الحب الأول صـار يازيـن ويـاك=ثابت ولو هبـت عليـه الرياحـي
محد (ن) بقلبي ياحبيبـي بليـاك=وأنته غناة النفس وأنت انشراحـي
ببقى أنا شخصن عيونـه تحـراك=ماخان حبـك بالليـال الشحاحـي
ماينكرك بالحب لو جاك مـا جـاك=لنك حبيب (ن) دوم مطلق سراحي
بذلت جهدي في غرام (ن) تبنـاك=يوم البروق بوسط عينـك تلاحـي
اليوم أبعلن ياهوى البـال فرقـاك=حتى لو إن الدمع بالعيـن ساحـي
عساك دايـم تذكـر الـي تمنـاك=وتحطله من فوق قلبـك وشاحـي
ظرفـن تحدانـي وجـاك يتحـداك=صوب علي برمية(ن) من سلاحـي
والخاتمـه ويـاك لبقـى بذكـراك=حتى لو إن الدمع بالعيـن ساحـي