يالله ارشدني على الدرب السديد = واهد نفسي بالأيمان وزيدها
واجعل ايام البلاد ايام عيد = دعوتن في كل يوم اعيدها
البلاد اللي لها المجد التليد = من قبل لا يدّرج تجديدها
حبها يجري مع عروق الوريد = واتنومس بسمّها وبسيدها
وان بغيت اكتب واعبر بالقصيد = القصايد للكويت وعيدها
الولا من شانها شي ن اكيد = والمحبه بالحشى تغريدها
هي ذراي وديرتي وهي الرصيد = يا غنات اقريبها وبعيدها
في ذرا شيخ ن يفيد المستفيد = كل فرحه للبلاد يريدها
هو عضيد الشعب باليوم الشديد = البلاد يعزّها ويفيدها
نظرته دايم على العليا بعيد = وكل فتنه بالبلاد يبيدها
القصايد في سموه تستزيد = كلبوها ان كتبت اشيدها
عيدي يا كويت بالعيد السعيد = فرحتك غاياتنا ونريدها
[/quote]