قصيدة موجهه للشاعر : عوض خيران
سلام الله سلام ٍ لاوصل ماودّك بغيره = بداية بالسلام اللي يبّيض وجه من قاله
سلام ٍ وجهته حايل مايرضى ديرة ٍ غيره= ( اجا وسلمى ) ليا منه وصل غطاهن ضلاله
سلام ٍ لو يجي ( بغداد ) تصبح تنعم بخيره = يمد الخير ( للبصره ) ليا ( اربيل ) وجباله
سلام ٍ لو تصبّه في بحر مالح غدى شيره = ولو قطرة بسيطة تقطر تكيّف علي ازلاله
انا اعرف الرجال وحضرتك نعطيه تقديره = سلام ٍ كافي ووافي لابن خيران بلحاله
هذاك اليوم جالس عندي التلفاز وآديره= وحطيتة علي الصحرا وجتني موجة ارساله
وأشوف الشاعر النادر يمجّد في فعل غيره = شهادة حق اسجلها صدوق بكل ماقاله
أنا ماقول مدحه للعرب سبّه ولاعيره= ولافيهم قصور القوم شجعان ٍ وخياله
انا ادري يلزمه عشره وحق الجار والجيره = وتلزمه الروابط يوم معهم مسس احباله
ولكن كان اولا به ذكر ربعة بتقريره = نسى مدري تناسى عزوته بالعود وعياله
خلص برنامج الحفلة على الصحرا وتصويره = وحز بخاطري تعريفهم بأسمه وفي آله
انا عندي غموض بما خفى وارجوك تفسيره = ولو تسمح ابي تفصيل في تقرير هالحاله
خطا متعمد ومقصود ابي رايك بتزويره= تنورني عساك برحمة الله يوم تلجا له
زمان ٍ دار والتاريخ بامر الله وتدبيره = ويبقى الحق واضح والرجل ماينسب لخاله
محسن المحيلبي