طافت وقت العتب
طاف وقت العتب ماعاد ينفع عتاب = شحّت اشواق قلبي والمشاعر جليد
كل ما سد لفراقك وطاريه باب = ينفتح لي مع الايام باب ٍ جديد
راحت سنين عمري في ذهاب واياب= لادليل ٍ يقديني ولا هلال عيد
لا وصلت النهاية معك ضاع الحساب = أنجبر وأرجع لخط البداية واعيد
لي متي ينتظر منّك سؤالي جواب= لي متي والمعاند خصلتك ياعنيد
ياحبيبي . وانا مانيب غاوي عذاب = بشتري راحتي وأنساك وابقى بعيد
شيل همّك لحالك . والعنا والصواب = وأسهر الليل مع وحشة ظلامة وحيد
سمّح الله دربك والنوايا ركاب = طوف فيها مع الدنيا علي كل بيد
روح وأنقل جروحك في طريقك زهاب = عفت غصن الثمر لو كان طلعه نضيد
خاطري طاب من طرد الوهم والسراب = شايف الخير مايقنع بمد الزهيد
محسن المحيلبي