،،
،،
،،
اللي أشوفه غير جت صدمته غير = وعرفت من طعنته . سود الليالي
واللي خذاه الطيش من دون تبرير = ليته يجي ويشوف . وشلون حالي
ياقلب لاتشكي . صدوف المقادير = حتى ولو ماشفت . شخص ٍ وفالي
حاولت أدوّر للخطايا . معاذير = والجرح أبرز شي منه بقالي
ولو الحكي يعطي عن الوضع تصوير = ماضاق إمن الوقت . صدر الشمالي
مبطي أشوف الجرح من دون تفسير = وأنا جروحي ساهمت بإنعزالي
أصبحت شاعر . في عيون الجماهير = وأنا كتبت الشعر . لعيون غالي
راح وتركني .والاماني مشاوير = والدرب موحش .لين جال الامالي
تاخذني اللهفه من الشوق وأطير = وأحضن طيوفه من غلاته أقبالي
وأراجع الذكرى من عصير لعصير = وأرسم من الاشواق صوره بخيالي
خفيتها في داخلي والغلا مير = يفضح .وأنا أنسان ماهوب خالي
ولو الجروح يفيد فيها معاذير = ماكان فرق بين غالي وغالي