،،
،،
،،
بعد رحت في صمتي . وأنا منْك للحين = الملم شتات الحب . ساعة خسرتك
وداعك عليّ أقسى من طعون سكين = وأنا من ( غرورك ) أحتزمت وهجرتك
أسامر نجوم الليل . والناس ممسين = وأغني من الاشواق لو ماشهرتك
صفت ليّ جروح الوقت . من يد غالين = وأنا لاتحاتي . في جروحك عذرتك
أبي منْك تذكرني . في ذكرى المحبين = وأبصبّر ( الاشواق ) كل ماذكرتك !
أبضحك في وجه الناس . من خوف واشين = وأجامل ظروف الوقت . لو ماقدرتك
على كثر ماجحد عند ناس ٍ قريبين = أحْسبنك ميت صدق . وأنا قبرتك
أسوق القدم من شوق . مدري على وين ؟ = واروح المكان ٍ فيه . ياما نطرتك
مكان ٍ جمعنا صدفة ٍ . بين قلبين = وأحاسيس قلبك قلتها . من نظرتك
وأنا مابقالي منْك . ( ياحلم عامين ) = سوى ذكرياتك كل ليل ٍ سهرتك
تحن العيون لشوفتك . حين من حين = وأنا عن عيون الناس . مبطي سترتك
أحسك غلا تمشي في وسط الشرايين = وأنا من عرفتك . مع برودك (صبرتك )
أخذني غلا . في ضمة أعناق مابين = أحاسيس ترجم صدقها . يوم زرتك
وأذا شفتني أبكي . من الشوق والبين = أبي منْك دمعه . تثبت إني كسرتك
لو إن الغلا فالقلب ماهوب فالعين = أجل ليه . تدمْع عيني كل ماذكرتك ؟