( صلاح البريكي )
يا روس الاموال وش باقي مـن المالـي=والــنـــاس مــابــيــن مـبـلــيّــه ومــجــبــوره
تشكـي مـن الأول وتشكـي مــن التـالـي=خــواطــرٍ مــــن ردي الــوضــع مـكــســوره
مـعــاد يــفــرق شــــراب الــمــر والـحـالــي=اقــولــهــا صــــــدق والافـــعـــال مــخــبــوره
وفي جال من يبعد الازعـاج عـن جالـي=اخــتــرت لــــي ديــــرةٍ بــالـــورد مـعــمــوره
يـا مـبـارك الخرفـشـي ناصـيـك مرسـالـي=يــا الشـاعـر الـلـي خــذا بالمنـتـدى دوره
شاعـر تعسـف الشـوارد عـسـف خيـالـي=ولا انته من اللي غيابه يشبه احضوره
عـلـيـك مـنــي عــــدد مــــا هــــل هـمـالــي=سـلام مـن دار اخــو مـريّـم لأخــو نــوره
اقـــلـــده بــالــذهــب والــجــوهــر الــغــالـــي=واقـدمـه مــن ضمـيـري بأجـمـل الـصــوره
اشـوف يـا ابـو حبـيـب الــوان واشكـالـي=بعض البشـر يخدعـك فـي زيـن ديكـوره
اجـامــل أحـيــان فــــي حــلــي وتـرحـالــي=وارتــاح لا شـفـت كــل الـنـاس مـسـروره
مـا اشيـل بالقلـب شــي ولا عـلـى بـالـي=ولا اضيق من كلمة الجاهل ومـن زوره
دام الـخـطـايـا ثــقــال وكــبــر الاجـبــالــي=الـحـق مــا يـخــرج الـرجــال عـــن طـــوره
اتــــدور الايـــــام واجــيـــالٍ ورا اجـيــالــي=اتـــــدور والــفّــلــك بـالـعــالــم لـــهـــا دوره
واهـل الجهـل فـي سلـوم الوقـت جهالـي=مـاشـرهــه عـلـيـهـا وكــــلٍ يـنــعــرف دوره
مـــــا كـــــل رجـــــال بـالـمـيـقـاف رجــالـــي=الـطـيـر مـــا يشـبـعـه يـــا كــــود مـنـقــوره
ومـدام ذوقـي مــع اهــل المعـرفـه عـالـي=خـــل المـهـبـل تــجــي وتــــروح مـقـهــوره
.. .. ..
رد ( مبارك الخرفشي )
يا روس الاموال عذر الوقت لو مالي=والنفس مابين منهيه وماموره
لو كان ساهمتي بتغيير الاحوالي=ياروس الاموال مشكوره وماجوره
عليك غنّا البريكي بدع الامثالي=من هاجسٍ ترجم شعوره على سطوره
واردف وهو شاعرٍ بالمستوى العالي=واليا ارتكى ما اشتكى من لِجّة بحوره
ورّد علينا البكار سمان وجزالي=يالله انْ تحييه وتبارك بمضهوره
واعداد ما لاح برقٍ يشعل اِشعالي=بين الغمام ايتكاشف بالدّجى نوره
يا مرحبا في جواب الصاحب الغالي=عبر الفضا الرَّحب مطبوعه ومنشوره
لأبو فهد وِجّهت موجات الارسالي=برسالةٍ حافها الكمبود وعطوره
مضمونها: ما على دنيا العنا سالي=والعبد يصبر ولو زاد الدهر جوره
والوقت لو زان لك يا طيّب الفالي=لا تامن يغيّر أحكامه ودستوره
والرزق عن منّة الخلق بيد الوالي=ياتيك من غير لا طلبه ولا ثوره
حقايقٍ وثقت وأمثال وأقوالي=ودروس وأحداث واساطير ماثوره
وسيوف ورماح بين رجوم ورمالي=منعاً للاحراج صارت شبه محضوره!
يابو فهد للعقود يدين حلّالي=والريح ما هز سنجاره ولا طوره
والغصن يثمر وكل عودٍ له ظلالي=والناس كلٍ على شوره ومنظوره
ومادام قدرك مع اهل المعرفة عالي=عسى المهبّل الين تموت.. مقهوووره