يا حسين الطبع والاوصافي = غلطتك محسوبه
ما حصل لي من غيابك كافي = لا تقول التوبه
لا تعذّر يا الحبيب الجافي = بالهوى ودروبه
احسبنك بالمواصل وافي = صرت لي اعقوبه
صرت مثل معمر القذافي = يوم خان اشعوبه
لا تٍحسب انك على مشرافي = دلتك مشروبه
اللي ينومسني انومسه واغليه = واللي يجافيني ابجفاه وانساه
اشرهه على الطيّب واسوق المشاريه = ولا الردي مشرهه على مثل شرواه
لبيه يا راع المواقيف لبيه = أشر وانا وياك بالحال والجاه
يا حي من تبني صروحه مباديه = ما قلت عن درب المناعير عزاه
دامك تعفس اوجيه وتعدل واوجيه = يا ويل راع الذل والظلم ويلاه