نادر
يقول
يا ابو فهد زهب القيفان = بتجيلك ابيات شعريّه
مصففه تنعش الطربان = وتهيّض اللي به حميّه
رديت
العجمي اللي غدى بطران = قام يتغنى قوافيّه
حميّتك دونها العجمان = ما بين عجمي وعجميّه
نادر
جزل المعاني تجيك اسمان = يا العازمي بيّن النيّه
لا تذخر البيت وانت احصان = نسل الرجال العطاويّه
صلاح
ما جيت اغني ودانه دان = من غير حسنه ولا سيّه
يا ابو محمد رفيع الشان = الوقت زادت بلاويّه
نادر
في وقتنا يشبع الجيعان = والشيخ تكثر نعاويّه
يا مدوّر العدل فالميزان = الناس ما تامن الهيّه
صلاح
ماني براضي ولا زعلان = ياأهل القلوب الهواويّه
لكن ليا حاربوك ايران = لا تنتقل ل السعوديّه
نادر
الحرب في ساحة الميدان = تحتاج لرجال حربيّه
وحنا ليا ولعت ضيّان = رجالنا يفوق له ميّه
صلاح
نادر محمد ابن هتلان = قام يتعزوى بناديّه
ما نجحد الفعل يا الشجعان = وحنا لها نموت عاريّه
نادر
ما يلحق الشك بالفرسان = وقت الملاقى فداويّه
مير البلا لا اختلط دخان = وكلٍ يصيح بعزاويّه
صلاح
وقت الوغى يجزع الجبان = وتبقى الرجال السنافيّه
كويتنا وسطها العطوان = تنعم بعزه وحريّه
نادر
شاش البريكي مع اللحان = وتترس بدرع وجنبيّه
ولامن سمعتوا عوي سرحان = طقوا يا قوم الشواويّه
صلاح
اشيش لا شاشوا أهل الشان = والحرب نيرانها حيّه
ان طعتني عوذ الشيطان = وان مت ابدفعلك الديّه
وسلامتكم[/size][/i][/b]
[/QUOTE]