فرصه اخيره ( وخط احمر )
فرصه اخيره صبري إستوعبها = كانك تبيها جتك ياطالبها
وصلتني لآخر مدي في صبري = عذر وقبلته نفسي ابغصبها
خلك علي عهدك وحلفك ليّه = وخطوطي الحمرا فلا تقربها
ابادلك نفس الشعور الصادق = واقول لك احلي الجمل وأعذبها
طيّب معك والطيب طبع (ن) فيني = وألين قلوب الناس في طيبها
لّين مع الّلين وراسي ناشف = ماوالف اللي نيته يقلبها
بخطلك باللون الاحمر وإفهم = خط (ن) عريض بجملة (ن) بكتبها
ماهو تحدي او كلام (ن) عابر = والخط تحت الجمله وعرّبها
لا تحسب انك بالحيل تخدعني = كل الحيل غيرك معي جربها
لا وزّك الشيطان فتح عينك = شف غيرك اشطر ماقدر يلعبها
عيني بعينك والثقه موجوده = وإن شفت من انت بقدها بسحبها
محسن المحيلبي