حليوان بن مديعج واسمه الحقيقي ( بداح)... وحليوان لقب له.. وهو من فخذ المساعدة من العوازم ولد سنة
1893 م تقريبا وتوفي سنة 1973م في مكان يسمي "جعيدان " ولم يرتبط بزوجه وأنقطع عقبه ألا أن
شعره لم ينقطع حيث اشتهر بشعره الجميل الذي يصور الحدث ويصفه وصف دقيق
.
قم اطلب الله يالشجاع ابن مانع= بطلبةٍ جعل الولى يستجيبها
ياالله انك تعاونا على من نوانا= يامظهر الغواص من غبيبها
وقم شيد المثلوث فى راس قاره= وضو ٍ لطرشان الخلا تقتديبها
جانا الجنوبى والمطيرى ونوخوا= يا مل عين ٍ واجهت حريبها
يا سربة ٍ جتنا تنازا بغلمه= و لها ديون ٍ عندنا تدعيبها
يا مزنة ٍ جتنا شديد ٍ نوها= والمسعد اللى ما يحاظى لهيبها
من شقت الانوار لرونق الضحى= فيها البنادق مايهون نحيبها
ياشيب عينى من سرايا علوه= علوه هل الردات لا خضر شعيبها
وش عذرنا من دون شعلن عقلت=موارث الجدان ما ينصخيبها
تلافتن يم الصياح وشوشت=وتوحي عيال بالقاء تعتزيبها
من ذل منكم يالنشاما ما يفتكر=يا جت ورا العدوان يا من يجيبها
تنطحوا حام الرصاص وحومرو=وبقعاء على العربان يومي سبيبها
تباشرى بالفك ياحم الذرى=فى ساعة ٍ ما ينتداوى صويبها
ياكن جضع قومهم من قومنا= هصير طلح ٍ فى مثانى شعيبها
كله لعينا أنثا تلافت فينا = طوال غواربها و حلو ٍ حليبها
ماازين تهزعها بوادى الحيا= يا قامت الورقا تنادى صيبها
كله لعينا كل هرجة مجلس = هذا يوديها و هذا يجيبها
وكله لعينا كل دلة سنافى= حلو ٍ طعمها ما ينقع سريبها
و كله لعينا كل بنت ٍ عانس = بيض العواتق مالهجها صيبها
ريف ٍ على الجيران بالطيب والسخا= ولا نهضت حجانها لصحيبها
و نعم ٍ بولد القويعى غلمه= نطاح اللقوات ياما بليبها
ولد غياض مثل تارس الهوى = يادرعنا الضافى على مايصيبها
والكثر ماسر الجراد ليا انتشر= أرهم على الدنيا ولا يرهيبا
وراحت مجاريهم مع السيف وأشملت= ناس ٍ نوت فينا بنو ٍ نويبها
وردنــا عـلـى عـــد ٍ سـقــاه الـدبــا ودهـــور=وســاعــة وردنــــا والـبــيــارق تـبـاديـنــا
وصــاح الـصـيـاح وشـبـهـر الـــورع والـغـنـدور=عــلــى فــــرع الأرض ولا بـنـيـنـا محـاجـيـنـا
ونطحـنـا الـبـيـارق والدهـيـنـه وبـــن مـشـهـور=بصـنـايـع قـريــز ٍ تـلـتـعـج فــــي يمـانـيـنـا
ركضـنـا عليـهـم ركـضــة ٍ وأعـتــزى المـسـطـور=يــوم الخـيـل تـدفـع وأشـهــب الـمـلـح كاسـيـنـا
لعيـنـاك يــا شـعـل ٍ تـلافــت عـلــى المـقـهـور= ذعـرهــا الـصـيـاح وتلـتـفـت فـــي عـزاويـنــا
طـعـنّـا لـعـيـن فـاطــر ٍ خـلـفـهـا مــصــرور= لبـنـهـا عـــن الــــزاد الـمـسـمّـى يـعـزيـنـا
وبـالــك تـهــج الـزمــل يـالـجــادل الـغـنــدور= خـلــي الـزمــل ثـــم انهـمـيـنـا بأسـامـيـنـا
وأحــذرك عـقـب الـيـوم عــن عـشـقـة المـثـبـور=عــن الـلـي لـيـا جــت لـقــوة ٍ يـــتقي فـيـنـا
وعــدّ الجـنـايـز وأعـــرف الـكــون يامـنـصـور=وهـــذا جـــزا مـــن زارنـــا عـنــد أهالـيـنـا
وأمــسينا بـــعز والعـــــدو رايــــح مكسور=وأصبحـــنا نمـــثل فــــعلـــنا في قـــهاوينــــا
ياراكب اللى لرسايل تودي = مافوقها كود القلص والورادي
بانت فوايها بقون ٍ وسدي = مادقها زور الجمل بالهدادي
مع طلعت النجمة ركبها مقدي = من الطف تركبه خشوم الحمادي
قالي مادل الدرب رس ٍ وعدي = قلت اقطر الممشا ولانته بغادي
يجنك الأخبار من كل بدي=ناس ٍ معاوشها بهاك البلادي
بلاد شيخ ٍ للقبايل يضدي = تكفكف الأطراف ياقيل عادي
عبدالعزيز اللي كمامه معدي=من صكت عليه الاعادي
مايغتدي مثل القمر مجرهدي = ولا ينرقي ضلع ٍ خشومه احدادي
النادر اللي بايمن السر هدي = مايقضع الا في جمال الهدادي
اذكر لك الله مع مواريث جدي = ياعقلوا ذرعانها والعضادي
قل له تري اللي بالخراجي تبدي=تهرجو فيكم بهرج وكادي
خانو بعد عفوك وجوني بخدي =وجموعهم تشبه عمود الجرادي
حنا حديناهم عن البوش حدي=بمظمنات ٍ مع قروم ٍ نوادي
كم واحد ٍ قدام ربعي يكدي = وهذاك نار وعبرته بالفوادي
والشيخ لولا صدته يوم صدي= خطر ٍ على بيضه تدش الحدادي
وراك ياطير السعد ما تهدي = ياشيخ ماتركب عضور الشدادي
بالقيض نرجيكم وبيح بسدي = واليوم هب لك الشتا والبرادي
ياشوق من ريحه زباد ٍ يندي= ومسك ٍ ينشر عنبره بالوسادي
ياعل ماحظك عليك امتردي =وعسالكم فى عرش ربي منادي
ديوان الشاعر (( حليوان بن مديعج )) رحمه الله
( تقرير عن مشاركة مخالفة ) ، و الموجودة أسفل كل مشاركة .