غالي وقدرك كبير
لاوالله إلاّ غـالـي وقــدرك كـبـيـر=والّلـي حصـل زلّـة لسـان بمعمـعـه
من دون قصد وكلمت ( ن ) ماهي بضمير=حاولـت اوقفهـا ومــرّت مسـرعـه
لا تكبّـر الموضـوع وتضيـق وتحيـر=صبرك علـيّ شـوي وصـدرك وسّعـه
افـرش لـك دروبـك رياحيـن وحريـر=بيبان قلبـي طـول وعـرض مشرّعـه
تدري بمفهومي مـن اعتبـره اسيـر ؟=اللّي يعيش وحافـظ ( ن ) قلبـه معـه
بـيـن الحنـايـا لايـفـز ولايطـيـر=الخـوف سبـقـه والـبـلاده برقـعـه
خايف علي قلبـه مـن ضلوعـه ينيـر=شغلـه بصـدره ضــخ دم وقرقـعـه
مثـل البخيـل يـداري المـال الكثـيـر=يتعـب علـي جمعـه ولا بـه منفـعـه
قلبك معـي وابشـر معـاه بكـل خيـر=وقلبـي معـك حـدّه بسوقـك وارفعـه
قلبي روابك عشق مـن يومـه صغيـر=ذاق الغلا مـن فيـض حبـك واشبعـه
ابخل عليك ان فاض لـك بالصـدر بيـر=إلاّ نهـر مـن منبعـه لــي منقـعـه
غالـي وانـا ويـاك يربطنـا مصـيـر=حـلاك اذوقــه والـمـرار اتجـرّعـه
صحيح بعض احيان مـن فعلـك اغيـر=واحيان يوصلنـي كـلام ( ن ) اسمعـه
ومـرّه تحسسنـي بأنـي (ابـن اميـر)=ومرات( خـادم ) خلـف سيـده يتبعـه
واحيان مع كبـر الخطـا عـذرك حقيـر=مايقبلـه عقلـي واطــوّف وابلـعـه
اقول لك يمكن وكل شـي ( ن ) يصيـر=واعطيـك وقـت ووقـت ليـن ترقعـه
بـس الحقيقـه ثابتـه والامـر غـيـر=هـذا اليقيـن ودابـر الشـك اقطـعـه
اصلا ً انا ما اقدر علـي هجـر وهجيـر=ولاودي قلـبـي بالـفـراق ألـوّعــه
فرقـاك نـار وغـار ولاهـوب وسعيـر=وادنـي شــراره لابغـيـت تولّـعـه
لاوالله إلاّ اجـيـك لايــذ واستجـيـر=مآنـي خبـل يعمـي عيونـه باصبعـه
تقول عيّـن خيـر .. واقـول استخيـر=الخير بالخيره وكـل ( ن ) فـي سعـه
محسن المحيلبي