دقت وقالت انتهت قصة غرامك يا الحبيب= قصة غرامك كلها صكر معي بيبانها
انسى حكاية حبنا يا عل عن بالك تغيب= يمكن مع مر الزمن تقدر معي نسيانها
ماهوب مني لا حشى والله من جور النصيب=هذا النصيب وحكمه محدٍ قدر عصيانها
قلت الله الله صارحيني دون شك ودون ريب=مابه ضروفٍ تمنعك صدتك.. وش برهانها
ليه المفارق تعلنه وتجيب لك عذر وتغيب=وليه العلوم اللي تقص السالفه ولسانها
ماهي غريبه صدتك والوقت بافعاله غريب=بس الغريبه كيف نفسك خانها وجدانها
قالت ترا قبل امس عقب العصر جا لهلي خطيب=والظاهر ان السالفه امقربين اعلانها
هاذي عوايد نلتزمها كان غصب وكان طيب=ماهو على كيفي اعيش ابدنيتي بلوانها
خذها عسى يفداك منهو هقوته دايم تخيب=يا الحب الاول دنيتي انته ترا سلطانها
حبك طبع وسط الحشى والله في قولي رقيب=ولا غيرك اللي أعترف بمحبته مع شانها
قلت الصراحه ما علي اخلاف يا الحب القريب=لاكن احفظ كلمتي عقب النهايا عانها
اربع سنين وقصتي وياك ما فيها طليب=واليوم كفت صدتك امرجحن ميزانها
الله واكبر يا زمان يخلي الجاهل يشيب=عقب البنا يهدم على كل البشر سيسانها
خلاص يا بلسم جروح القلب طفيت اللهيب= لو كان قبل امحبتك امولعن نيرانها
دام المحبه انتهت واليوم جا لهلك نسيب=مالي سوا ابعد واصد النفس عن خلانها
حبك حفظته بالحشى والسر في بطن القليب=هاذي نهاية حبنا وختامها عنوانها
[/quote]