،،
،،
،،
البـارح عيونـي تناظـر عيونـهـا = واليوم حال الوقـت دونـي ودونهـا
ماجاد حظـي دون الاحبـاب منقطـع = راحت وتستر دمعهـا فـي جفونهـا
هذي سنه حالي من الضيق والشقـا = كني حمام الـورق تسجْـع لحونهـا
تطري علي وأنا وحيـد ٍ ف/غربتـي = وإنثر دموع الشـوق لـو يذكرونهـا
إسترجع الماضـي مـن إيـام اللقـا = في كل لحظه نجتمـع فـي ماعونهـا
كـان الغـلا شمعـه تنـوّر طريقنـا = إحلام عشناها .. في رجوى مزونهـا
واليـوم ماباقـي سـوى ذكرياتهـا = أضمها فـي داخلـي مـن طعونهـا
ألملم إشتاتي مـن الضيـق والكـدر = من بعـد ماشانـت عليـهّ ضنونهـا
يبقى غلاها يابـن جدعـان طابعـه = لو دار دولاب الليالـي فـي شونهـا
الحب يكبر .. داخلـي فـي غيابهـا = من رغم حكم الوقت . دوني ودونهـا
من عادت الايام ف/الوصل ,, والهجر = حكمه لو إن بعض العرب . يجهلونها
وأنا حشمت الود من هرجـة الـردى = من بعد راحت دمعهـا فـي عيونهـا