غبت يا القاطع اللي ما حسبت الخساير = غيب .. لا عاد ترجع لو تزيد الخساره
كانت اخبار وصلك للمولع بشاير = وكل من جا يبشرني عطيته بشاره
بس ضيّعت حبٍ مسكنه بالضماير = انت سبت ضياعه والسبب بحتضاره
في غيابك عيوني ما تهل العباير = ولا تدمرت مثل اللي غرامه دماره
ما حسبت الغياب المر ضمن الكباير = ادري الحب لا طوّل يغيّر مساره
عام الالفين وخمسه يوم عشره يناير = غبت وهموم قلبي تارةٍ عقب تاره
اتحراك خمس سنين والوقت جاير = لين ولع غيابك بالمعاليق ناره
بس طفيت نارك بالصبر والزقاير = كل ماحللك طاري شفطت الزقاره
لو تمر السنين ولو تدور الدواير = دايم الحب الاول فوق راس المناره
ولو تبيح القريحه ما تبيح السراير = بتحمل غيابك لو غيابك مراره