بعيد الهقاوي ما يّقرب من المنقود = لو ان الظروف اللي تحيطه تناوّشته
يوقف على ساقه بعزمه وقو ازنود = ولا يبتلش لو ان غيره مبلشته
يشوف الليال البيض قبل الليال السود = على شان صكات المقادير ماخرشته
وانا ما اتزعزع دامني من عيال العود = كسبت الشجاعه ورث والمدح حوّشته
ابفخر واغني والعرب ما عليهم زود = فلا القرم عذربته ولا اضعيف همّشته
عسى الله يثبتني مع اهل الوفا والجود = اذا اوحيت في جو السعاده ولا عشته
وانا ما أتغزل فيك يأم العيون السود = ليا صار همك بالمسنجر ودردشته
غرامي هنوفٍ فعل أهلها عليه اشهود = بهر عقلها من حب بالذكر وادهشته
كمل وصفها من جنسها نادر الوجود = ابوها الحيا واضفا عليها الحيا بشته
يا ليت الليال المقبله بالوصال اتجود = واخليك يا همٍ مع الصبر عايّشته
كفا منك يا صبرٍ صبرتك بدون احدود = زمانين واكثر ذاوي الحظ مانعشته
[/quote]