نبع الغلا / برق الحلا / قبلة الذوق ،،، حصريا لكمــ خالد الدعسان العنزي

[خالد الدعسان العنزي]

ليس للواقع غير الواقع ذاته
الفراق قاسي ولكنه يصل إلي مرحلة القتل
ما لم يـُعرف السبب
نقول لا نوفق بالفرص
نحب وننسى في كنف الفراق
ولكن الصدف منبه
الذكريات الجميلة .. لحظة اللقاء
تدق القلوب قبل العيون
وتدمع العيون قبل العناق

مدخل
الصدفه اللي مالها أي ميعاد
،، ليت اجمعتنا قبل هاليوم بـ سنين

جريت من حلو الطواريق طاروق = يطــرب له المقــــرود قبل المطافيق
تدمع له قلوب المحبيــن والمـــوق = طاروق لا كنه يغــيـــض الطواريق
ياتـــي على در القواصيد من فـوق = يبري كبــود وينفــــرد بالصناديق
على خشيف ٍ ما هـــو بأي مخــلوق = في مبسمه طب المعنا عن الضيق
ياعين حر ٍ زاهي الريش ولحـــوق = سم الحباري / في عيون المطاليق
نبع الغلا / برق الحلا / قبلة الذوق = أم السنا / طعم الهنـا / والـــتوافيق
روح المسا/ موت الأسى/كاسب الشوق = عمر الصبا / حلو النبأ / سكر الريق
خدهـ / يشادي لمعة السيف وبروق = عنقـه لا يا من قـلت عـنق الغرانيق
رقــة قوامه لا مشـي تــقل زملـوق = وان هب نسناس ٍ تميل الزمــاليق
قبل امس قابلته مع طارف السـوق = فتق جروح القلـب ويا المعاليق
يمشي وكني لا حق ٍ زوله لحوق = من يوم شفته والنواظر بحاليق
راع الغرام اللي لحق بيته حروق = اللي أصد ان شفت بيته ولا ويق
عامين هجرانه بلا ذنب وحقوق = من عقبها نفسي فلا ود و اطيق
قلت السلام وقال يا حي منطوق = وعــيونك الثنتين ليـه نواطيق
هاك العذر ياخالد الشوق من موق = قضّى غيابك بالدموع المدافيق
والليٍ لحقني من هلا الكذب والبوق = ما هو قليل ٍ من كبار التلافيق
خلوني العايق وانا ماني بـ عوق = ولا زلت اقدامي بـدرب العواشيق
إلا انت خبرني / عسا مابك سبوق = عسا بيوت الحب عقبي مغاليق
قلت الغلا متربع ٍ وسط صندوق = ما خان من عقبك عهود ومواثيق

مخرج
الشمعه اللي انطفت قبل عامين
،، ولعتها لعيــونك الســـود هالعـام

خالد الدعسان العنزي
27 - 8 - 2011

[سعد سعود ابو ضريس]

قلـت الغـلا متـربـع ٍ وســط صـنـدوق
مـا خـان مـن عقـبـك عـهـود ومواثـيـق

صح السانك ولاهنت والله ادراك وتقبل مروري لك وتحياتي ..!!

[سعود راشد]

الشااعر المبدع الرائع المتألق السامي /
خالد الدعسان  العنزي  





تقبلني احد المتابعين // لكل ماتكتبه يداك المختلفه
 ،  يخووني التعبير امام صدق وجدانك  ،  لك كل الأعجاب امام بوحك الراقي 

سكبت رائحة ابداعاتك لكي نستنشق عطرها الزكي

صح لساانك مدد بلا عدد    ///  لين ترضااا . *

[راشد بدر النويعم]

ابدعت بالنص

وصح الله لسسانك ..

وتقبل مروري واعجابي

[مبارك الشتلي]

يـطـرب لــه المـقـرود قـبــل المطـافـيـق.............

صح السانك

[عضوه 1]

ياعـيـن حـــر ٍ زاهـــي الـريــش ولـحــوق ,, سـم الحبـاري / فــي عـيـون المطالـيـق
نبـع الغـلا / بــرق الـحـلا / قبـلـة الــذوق ,, أم الـسـنـا / طـعــم الـهـنـا / والتـوافـيـق
روح المسا/ موت الأسى/كاسب الشوق ,, عمـر الصبـا / حلـو النـبـأ / سـكـر الـريـق

الله

ابدعت

صح لسانك مليووووووووون

[مـحـمـد الـمـلـعـبـي]

مبدع .. مدخل رائع .. ومخرج رائع .. ابيات من ذهب .. صح لسانك .. تقبل مروري ..

[فهد بن دهيم]

خــالـد الدعـسـان الــعــنزي

صح الله لسانك ولاهنت ياخالد على الجزله وانت شاعر تقرف من بحر ولاهنت ياذيب على الوافيه

إلا انت خبرني / عسا مابـك سبـوق ـــــ عسا بيـوت الحـب عقبـي مغاليـق
قلت الغلا متربـع ٍ وسـط صنـدوق ــــــ ما خان من عقبـك عهـود ومواثيـق

خالد مدخل رااع ومخرج من ذهب تقبل مروري وتحياتي أأخووك فهد

[ناصر العير]

الله وكبر.... صح لسانك ياخالد احساس يدل على صدق القصيدة ... الله يعيد الصدفه وتجيب لنا جزله!!!

[خالد الدعسان العنزي]

اقتباس: المشاركة الأصلية كتبت بواسطة سعد سعود ابو ضريس    قلـت الغـلا متـربـع ٍ وســط صـنـدوق مـا خـان مـن عقـبـك عـهـود ومواثـيـق صح السانك ولاهنت والله ادراك وتقبل مروري لك وتحياتي ..!!

سعد سعود
لاهنت وصح بدانك
وحضورك يشرفني
كثيرا ويسعدني كذلك
يالغالي لك كل تقديري