ياصاحبي خلك معي مادامهـا الدعـوى قصيـد=اسمع كلامي ياعسى ابيوتـي تجيـك امجملـه
الحرب قامت والحديـده مالهـا غيـر الحديـد=خذ لك ولد فالماقف الحامـي يشيـل المعضلـه
جاتك اجيوشن ياطويل العمـر ماتنقـص تزيـد=ان قالها الله حصنك اللي تحتمـي بـه لدخلـه
((مافيه رجعه يانصر والا ترى مات الشهيـد))=موتت شرف واللي بغى صاحبـك لازم يوصلـه
خذها بشاره لخسرنـا حضرتـك زاد الرصيـد=رصيد عرف وكشف باللي كنت انـا مستجهلـه
يومي طلبت القرب منك قلـت نـاوي بالشديـد=وشعلمها زادت علـي اعقـود راس المشكلـه
ياصاحبي اسمعك لكـن عطنـي العلـم الاكيـد=ان كان في قلبك حكـي هاتـه وماعنـدك قلـه
ان كان انا مخطي حبيبي بعتـذر لـك وابعيـد=آآسف وعذري ياعسى شـرواك منـي يقبلـه
وان كان من بـاب اللعانـه رح لعلـك ماتفيـد=اللـي خلقـه الله عـوج مانيـب انـا بمعدلـه
فرقاك عيد ودايمن عنـد النشامـا فيـه عيـد=الهرج واضح واستلم يامثقـف النـص اكملـه
جتك الرساله واحتفظها وسط صنـدوق البريـد=اسمك مسحته وانتقل فـي القايمـات المهملـه
العشق في حب الشرف ماهوب بالثوب الجديـد=ولاهوب بالمكياج والشيلـه وعطـر المذهلـه
احدن خلقه الله شقي واحدن خلقـه الله سعيـد=وانا احمد الله في غنا وانتـه حيـات البهذلـه
وانا احمد الله ماعشقت الا تـرى شيـن فريـد=احب باب الطيب واسعى في اعلـوم المرجلـه
((واختامها مرسوم اميري من بدر فصل العميد))=((خاين وطن والعفو عند المقـدره مايشملـه