الوجه الابيض
اثريك نـاوي على بعدي وهـجراني = مـن غيـر مـايـفـصح لساـنك بـقولتـها
اللي خفيته بوسط العين لي باني = وعيونك اصـدق من لسـانك بـ نظرتـها
في وسط عينك كلام وترجم لساني = اثـريـك مـاتعـرف العـين و فـصـاحـتـها
صحيح انا ماسمعت القول باذاني = واظــن مـا تـــكـذب عـيـونــك بـنيـتها
جـرب وحاول اذا ودك تـناسـاني = شف دنيتك عقبها و شلون عيشتها
نشوف باكر من اللي يفقد الثاني = مـكـانتي بــاكـر تحـس بخسارتــها
والله لخلـيك في نـومـك تـحـراني = ان كان عينـك غفـت في حلـو نومـتها
بـاكر اذا احتجتني ماعاد تلـقـاني = والعشـره اللـي معـك ماني بحاجتـها
بـاكر تجيني تعض ايـديك ندماني = اصبــر و انــا اذكـرك لاجــات حــزتـها
بالوجه الابيض اروح العيب عداني = بعزتي مـاشـي ونفسـي بحشـمتـها
والا انت خلك مع التفكير وحداني = اذكـر ليـــال الوصـل و اذكـر حـلاوتـها
خـليت حبـك ورا ظهري وخـلاني = مـحبـتك شـوف و يــن وروح سـاقتها
محسن المحيلبي