قانون الاحباب
لا بد بـه قانـون يحمـي حقوقـك = على شكل ضمـان صحـي وتأميـن
عشـان تظمـن يالمولـع خفـوقـك = ولاتعيـش بهـم وتمـوت مسكـيـن
تتلف عيونك بالسهـر لجـل شوقـك = وان نعمـت عينـك تناسـاك بعديـن
عشان ما يسهل على النـاس بوقـك = ولا تحاتـي وقتهـا ساعـة البـيـن
محد(ن) يبوق الكحل من وسط موقـك = ومحد يتجرأ يسرق الكحـل بالعيـن
قانون للـ(أحبـاب) فوقـي وفوقـك = وتجدد التأمين من حيـن لـي حيـن
امـا تسـوق الحـب وإلا يسـوقـك = وانحـدد القانـون وانحـط بنـديـن
اول بنـوده بإختـيـارك وذوقــك = وثاني بنوده حدك اتحـب ( ثنتيـن)
وان شفت سلالك وسمـك وعوقـك = انـت المخيـر بيـن جنـه وناريـن
واليا ارتفع حظك وسهمك وسوقـك = ارفع رصيدك واعشق اليوم (عشرين)
وان قالـوا ادفـع يالمولـع فروقـك = سوق الدراهم مالهـن غيـر تثميـن
اغنم زمانـك قبـل تكثـر حروقـك = باكر تكـوى مـن فـراق المحبيـن
محسن المحيلبي