العيد
بالعيد عايدني بعيدين وقراب = الا انت مستكثر علي الرساله
ناسي وربعي والمعارف والاجناب = الكل هناني بطلعة هلاله
الكل وجبني ولا واحد ٍ غاب = محد ٍ بخل في دقته واتصاله
الا انت غايب ليه ياسيد الاحباب = وش الذي خلاك ناسي وداله
سهران طول الليل تلفان الأعصاب = البال مابه شي ٍ الا طراله
شلون مثلي ماتسوي له حساب = شلون مثلي ماتبدي وصاله
عطني عذر ايت عذر قول الاسباب = القلب حيرني بكثرة سؤاله
صكيت في وجهي ضحى العيد الابواب = وانا اتحرى منك مد بجزاله
خاب الرجاء والظن يا صاحبي خاب = شلون هذي منك ماهي عداله
ترى الرساله سعرها رخص التراب = ارسل برخص اتراب واكسب جماله
محسن المحيلبي