** نبذه عن الشاعر :
هو النوخذه والشاعر : مبارك ناصر الحريص رحمه الله .
من فخذ المساحمه
ولد النوخذه مبارك سالم الحريص في بيت والده
الواقع في دروازه عبدالرزاق
وذلك في عام 1875 ميلادي 1292 هجري تقريبا ً .
ومن ابرز صفاته : الاعتماد على النفس وحسن التصرف
والقدرة الجيده على إدارة الامور والأعمال
فقام بتجهيز سفينة شراعية للعمل بها في مهنة الغوص على اللؤلؤ
على غرار ما عمل به والده النوخذه ناصر الحريص
فقام بتجهيز شوعي لهذا الغرض.
(( الشوعي )) هي نوع من أنواع السفن الشراعية
والذي اشتهر بإسم (( شوعي الحريص ))
وذلك في القرن الماضي
وركب معه اخوانه مرزوق ومحمد اللذان قاما بمساعدته
في اعمال الغوص بالإضافة الى ركوب الكثير من الغاصة والسيوب .
من أهل الكويت وكان اغلبهم كما يروى من ابناء قبيلة العوازم .
ويقدر عدد بحريته أكثر من 40 راكب .
وإستمر رحمه الله في مهنة الغوص سنوات طويلة
اشتهر خلالها بكونة من أشهر نواخذه الحي الشرقي بالكويت .
ويذكر أن مبارك الحريص قد عمل ايضا ً بالتجارة
ولدية دكان في السوق تفرغ لأدارته بعد أن ترك
مهنة الغوص .
كما عرف التاريخ هذا الرجل الفاضل بصفته شاعرا ً كبيرا ً
اشتملت قصائدة على الحكمة والبلاغة
والقوة والجمال واشتهرت له العديد من القصائد
التي تناولت العديد من الحوادث التاريخية التي عاصرها ,
تميز الشاعر مبارك الحريص بكونه
حكيما ً ذا رأي ثاقب يلجأ له المتخاصمون من (( عريب دار )) ليفصل بينهم ويرتضوا بحكمة .
كما تحلى رحمه الله بروح عطرة مكنته من عقد الكثير من الصداقات
مع عدد من أبناء أسرة الصباح
ومن التجار و من أهل العقد والحل في الكويت .
ومن أصدقائة المقربين
حاكم الكويت السابق المرحوم له بإذن الله تعالى الامير سالم المبارك الصباح
و المرحوم له بإذن الله تعالى الشيخ صباح الناصر الصباح
و المرحوم له بإذن الله تعالى الشيخ سلمان حمود الصباح .
كما كان يمتلك الكثير من الأبل والأغنام
ويذكر بأن وسم عائلة الحريص
للإبل هو العرقاء على الفخذالأيمن ( + )
ومطرقة على الفخذ الأيسر (1) وهو فوق الثفنه ( الركبة ) .
انتقل مبارك ناصر الحريص الى رحمة الله تعالى
في عام 1963 ميلادي 1382 هجري .
في منزلة الواقع في منطقة الفيحاء
وكان له من الأبناء سالم وسلمان وسيف .
** قصائد الشاعر :
(( 1 ))
في معركة مريخ عام 1915 :
أنا أحمد المحمود يا سيف طيله = اللي عدلها عقب هاك الدهاويل
جت من جماعتنا علوم جميله = يفرح بها اللي قبلها يسهر الليل
يا عفيت يا مقحمين الدبيله = لين أنها راحت على الرجل والخيل
خلا الجنوبي هامل من جفيله = عن الشمال أسند نحر يمه سهيل
حاديه ضرب يوم يوحي عويله = مثل القنوف اللي تصب المخاليل
ثقيل ما ينحال اللي يحيله = عن الغنم والبل والبيض و الشيل
خلص وهو ماكان يرضى الفشيله = غدا عليه الصبح من لابتي ليل
ذيب الشنيفه تردى هذيله = ملا جحاره من ثنادي الرجاجيل
(( 2 ))
في معركة رضى عام 1929 :
هيض اللعاب جمع على العايل سطا = لا يحطون المحاجي ولا فيهم ذليل
ليا اعتزو بلعود وردوا كما ورد القطا = في سموم القيظ ورد على قيف ظليل
شيخنا سبل وحنا وطينا ما وطا = لا تهيفينا ولا صار ممشانا ثقيل
زعزع المرحوم بلكون شايبنا عطا = لين بواق القصاير تزايد بالجفيل
يوم أخذنا بالصويهد شوى بلا بطا = ساوقوا قدام ربعي مزبنة الدخيل
كم صبي بس تالي حياته بالنحطا = من ضرايب لابتي طاح بالمنحتى قتيل
وش تبي في حية الهيب ياراعي الخطا = ما يروز جموعنا في اللقا كود الهبيل
هيه ياللي تعمل البن بالهيل اختلطا = صبها للي هزم باللقا جمع القبيل
(( 3 ))
قال هذه عندما كان ضمن القوى الكويتية
التي رافقت الشيخ سالم المبارك الصباح
لمساندة الملك عبدالعزيز بن سعود رحمة الله
في صد تمرد العجمان في الإحساء عام 1915 :
عاش ابو عبدالله الشيخ ذباح السمين = كان طاع محمد القرم براي التمام
يا علي شوروا على الشيخ عن راي البدين = لا تطيعونه ليا جاء الملاقا والزحام
يوم ربي ملكك للعوازم صاملين = أقض شغلك يوم ربي رما ولد الحرام
وأعرف أنه لو عمر عام الأخر به يشين = لا تغرك حكيته يوم شاف الطير حام
(( 4 ))
في أحداث عام 1938 في الكويت :
عشت يا قرمن كفانه ومع ربعه حضر = (أحمد) اللي ياومر صايرن لزمن يصير
الشبيبه والعضا بس شيختهم شهر = مادركو من عقبها إلا الرغا عقب الهدير
خربطوا بعلومهم لين حاكمها ظهر = لين راحوا يلعنون المسنع والمشير
من ردى حظه تسلطن واهو ماله ظهر = هم هلا الخونات وحظوظهم دايم دبير
هيه يالباسه الجوخ والصوق الحمر = خلى المحبه لنطاحة الدرب العسير
مثل ابو جابر وربعه ليا عمس النظر = خلوا العدوان هذا طريح وذا كسير
يوم ابو ناصر حدر وارخص الروض الخضر = شغل الموتر وخلاه لديرة يسير
وياعلي لو طرت يم الثريا والقمر = ما نعذرك لين مع ساقت العايل تطير
ياعلي ما ينفعك بالقشر كود القشر = لين كلن مخاون عن ممالكهم ينير
قدم اللي عقب الامحال يامر بالمطر = واصلب العايل وخل الشريعة للفقير
يحسبون الحرب مثل اكلهم زبد البقر = ما درا ان الحرب مخلاصها الشر الشرير
(( 5 ))
وقال هذه الابيات رداً على التهديدات
التي اطلقها المعتوه عبدالكريم قاسم
على دولة الكويت في عام 1961 ميلادي :
قال قاسم لأهل الدار قول ما يصير = الكويت كويتنا والعدوا ينزح وراه
يالعدوا مالك من الدار لو مفرش حصير = محتمين الدار من يوم أبو جابر بناه
(( 6 ))
وهذه القصيدة قالها عندما ذهب الشيخ حمود المالك الصباح أبو فاضل
في رحلة الصيد وكان معه عيد وراشد الحريص :
أطلب اللي يبسط الرزق لعبيده = يرزق اللي راح يوم الصبح باحي
راح أبو فاضل وهقواته بعيده = باغي أم المدافع واللياحي
روح اللي نازلين بالبديده = ما نوى دون الجماعه بالمراحي
فوق وانيت لواليبه جديده = والدريول اتبعه خد السماحي
والمكينه يا اشتبت فالوجيده = مثل المجنون ليا شد صاحي
همل اللي يامشى قرعق حديده = وفات يوم مسنعه شطرن وصاحي
والفريده من الجواز يبي يصيده = ياوصلهن في مراتعهن ضواحي
والفشق موجود والمخفي جديده = والحباري جاهن الموت الذحاحي
يا قنص للجول ما خلا شريده = لم فيهن ذياب واللي طار طاحي
والقنص يا رشيد فات الله يعيده = ترجعه يا رشيد يوم حمود راحي
(( 7 ))
قالها الشاعر مبارك ناصر الحريص
عندما ذهب الى الحج مع ركايب بن حميده :
يالله سنعنا على خير تسنيع = لين كل مولع يلحق مناه
ما جيت في هالخد راعي مطاميع = خوف ورجا باللي جزل ٍ عطاياه
ان كان مني تفهمون التواضيع = من حج منكم ينحره لين يلقاه
مسعود يا منك نويت التواديع = ابشر بهلك يا ركب فوق شقحاه
عن الوعر ينحر بهن المهاييع = ماهوب مثل موهق الناس بحكاه
يا جلعن مع موسع الريح تجليع = وصوت بثامر شوق جالي ثناياه
ما يلحقنه كاظمات المصاريع = واللي يبي تصفيرة الصبح خلاه
نبي نشوف ديارنا والمرابيع = وترك الواج وكل جملة قراياه
(( 8 ))
قال هذه القصيدة في عايد وعيد وسلمان الحريص :
يابو سند ما عندنا كود الأمثال = والله يلوم اللي علينا يلومي
ياراكبن صنع العفاريت رجال = من الرجال الصاملين القرومي
روح عديم الجنس والفي ما مال= كنه من الدمنه يجيب العلومي
راعية لاينقص شرابن ولا نعال= الا العصى ولاخفيف الهدومي
بعلمك علمن وحطه على البال = المال مايبغى الهيوس الرخومي
ماتشوف عايد فلغنم مثل مخيال = شرف ورا زهروة بروس الرجومي
والمال عنده عيد ماضنتي عال= ابن محمد اللي عل عمره يدومي
وسلمان قدمة طيب الجد والخال = على قعوده دايم الدوم يومي
والنضو ياسلمان راعيه خيال = بالك تبيع اللي يجيله يسومي
(( 9 ))
وجه هذه القصيدة الى أخيه حمود ناصر الحريص
عندما جاء فصل الربيع
وهو في منزله الواقع بقرب دروازة عبد الرزاق :
ياحمود تتناهم يجونك يجيلون=البدوا شدم وأنت خلوك بدار
معلمك قبل الجماعة يشدون = والعلم ما ينفع بعمسين الأبصار
واليوم ربعك للحباري يصيدون = وحنا قضبنا مسكن القطو والفار
راحوا لعشب الوسم ياحمود يرعون= بعشب الوسامي يوم طاحن الأمطار
من شافهن مايقبل البلد والهون= لو كان ماله غير عنزين وحمار
الله أبو فتنه وسلمان يلفون= ولا قعدنا قعدت الربع بالغار
اللي بوسط الغور يحمود يطرون= والكلب معهم حاشرة والي الأقدار
واليوم أشوفك معجبك هدو محمون= شق الجدار وجاك مع قرنت الدار
(( 10 ))
قال لأحد بحارته عندما أعد القهوة في السفينة
وهي أبيات فكاهيه :
خربت قهوة الربع يا عبيد بالروق = نوب سريب ونوب يزيد ماها
أغليم في حمسة البن مطفوق = ما يفتهم في حمسها ومعناها
حليت وجه لا نطحني مع السوق = مثل النمية بيد اللي شراها
(( 11 ))
هذه القصيدة يخاطب بها
سيف سالم الحريص و عايد ومحمد الحريص :
يا سيف عايد من ورا حمر الأطعاس = يبوك ما تنكس لعايد تجيبه
وهو ربعي قبل كل الأرماس = قبل تجي نكستك يمه تعيبه
وان سلم راسي لوصله فوق عرماس = يقطع عليه الصلب واشرب جليبه
يابوي هذا مرد الوقت بالناس = كم حبيب ٍ بعده عن حبيبه
(( 12 ))
وجه هذه القصيدة الى سيف الحريص :
يا سيف جانا من ربوعك علومي = مع الطروش اللي على فج الأزغان
لواهني طير الهوى اللي يحومي = ليا بغى دارن نصاها بجنحان
** المصدر :
نقلا عن الأخ الكريم :
صلاح سيف الحريص