صوت غازي المحيلبي
صديت يامحسن علشـان مستـور=وتركت موضوعي وضاعت معانيه
القصر يامحسن من الناس مهجور=أبيك تدخل فيه وأتشوف وش فيـه
لولا الترابط بيننـا قلـت معـذور=مافيه داعي تِتعب الرِجل وأتجيـه
مير البلا من واحدن منك مقهـور=وده يخرًب كـل شـي ٍ مسويـه
لولاي يمكنه عبر سبعـة بحـور=ولولاي يمكنك من العـام موحيـه
ترى نساء الأرض غارن من الحور=ولا تنخدع لو قالن الميت نحييـه
ولي بقلبه نور يمشي علـى نـور=مايلتفت لا صار مثلـك مخاويـه
وترى العما يزعل ليا قابل العـور=وده تكون النـاس دايـم حواليـه
السر يامحسن عن الناس مصرور=لا تكشفه قـدام تعـرف خوافيـه
صدي محسن المحيلبي
صديت ياغازي وكل شي بالدور=حكم الضروره يسبق اللي تواليه
البيت عامر والنشاما له السور=وكل طيب ( ن ) يلفي عسالله يحييه
بعض الكلام ان جاك ناقص ومبتور=ايشوه الصوره قدم عين قاريه
انت وانا واحد نسجل بالحضور=الكل منا نايب ( ن ) عن بناخيه
الرزق بيد اللي بكل حال مشكور=ولايسمع الميت علي اللي يناديه
طيبك سبق وافي ولا جيت بقصور=وانا نداك اليا سمعته ألبيه
وشلون افهم ثور .. هو يفهم الثور ؟ =عجزت ياغازي من العام اجاريه
واللي من اهل الشور ماياخذ الشور =يغويه شيطانه بدربه ويعميه
علّه وحار بطبها كل دكتور= ماعاد بيدي حل غير اني اكويه
وضحت لك واخفيتها بين السطور =غيرك من العربان كل ( ن ) بواديه
صوت محسن المحيلبي
سايس امورك ودرجــها علــى الراحــه=وأشتد بالعــروه الوثـقى وجـــودهــــــــا
لاتلتــفت فـي غراب البيـين وصيــاحــــــه=اللي بنــحـسه حظــوظ الــنــاس يقـردهـا
مـؤشـر اســهام ســوقك زادة اربــــاحــه=.الله يزيـــدك غنــى وابــهمتــك زدهــــــــا
الـوضــع صعب و خطيـــر ويــصعــب إصــــلاحه=والأيد ماتصــفق ان كــانت بــــــــمفردهــــا
الشــايــب اللـي جمعــنا مــــات بـمراحـــه=عيب (ن) عليــنا سنيــن العز نجــحدهـــــــا
قبــل وفــاته تقـطع خيــط مسبـــــــاحـــــــه=وعدوده الـلـي بنــا ماعــاد ناردهــــــــــــــــا
اول نشــارك هذاك العـود بفـــــراحــــــــــــه=واليــوم عفنـــاه يوم إنــه تـــوســـــدهـــــــــا
من يــوم خــلاه جيــشـــه سـلم اســـــلاحـــه=خنــا بعــهده يالـيـن انه تنجـــــــــــدهــــــــا
اما نـجي قبـر ذاك العـــود بنيـــــــــــــــــــاحـــه=او كل واحــــــد حـــقـــوقـه منــه يجـــردهـــــــا
صدي بداح الخرفشي
حييت يامبدع الطاروق ووشاحه=شاعـــــر نظم يطرق أبياته ويسندها
حر على الصيد مايجذبه ملواحه=يخالط الصيد وينقي فـــــرايدهـــــــــا
البال مرتاح والافكار مرتاحـــــه=أقرا التعاويذ في نفـــــسي ورددهــــا
الوضع باب مقفل ضاع مفتاحــه=والناس مابين زارعها وحاصـــــدها
احدن تعشى من التفاح تفاحـــــه=واحدن من الجوع يتعب كيف ياجدها
ياسابح البحر غيرك ناس سباحه=وامورك الي تراودلك تراودهـــــــــا
من التغطرس بمسراحه ومرواحه=حمر النعم يوم زادت ماتحمدهـــــا
ومن ضاع فكره بمرواحه ومسراحه=يقعده وقت كثير الناس مقعدها
اما تجيله على الصابر من الراحه=والا يجي هادم اللذه يعايدهــــــــا
ماني وكيل البشر يامتابع الساحه=كلن يشيل الذنوب الي تكبدهــــــــــا
صوت بدر العليبي
طيش اللعوب وحسنها والمياعه = ثلاث خلاً صاحي العقل مجنون
اصل التعامل من فنون البراعه ! = أن لم تكن مزيون بتكون مزيون
فيها دلع ياهو مصنع صناعه = ماهي جميله بس لا شك هاللون
تعال يامحسن .. وهذي وداعه = احرص عليها ومابي الناس يدرون
نبي نكافح كل راعي دناعه = مثل مكافح شعب لبنان شارون
مركب مسيرتنا ابفتح شراعه = وعليك يامحسن تقوده على الهون
معك جماعه يازعيم الجماعه = والله يديم الصالحه في سما الكون
صدي محسن المحيلبي
طيش اللعوب وسحرها واللكاعه=بضاعه ا تروج علي الي يسومون
فن التجاره بإقتناء البضاعه = بتجرب السلعه أبي منك عربون
السوق عامر والسعر بإرتفاعه = إن لم تكن مديون بتصير مديون
رغباتها واجد وتبدي مناعه = تتبع سياسة كل شي (ن) علي الهون
اللي حلاها مصدر(ن)للطماعه = إغسل يدينك من رجاها بصابون
الشرق الاوسط غارق(ن) في صراعه = جته المصايب من ورا حزب صهيون
نبا نكافحهم ولابه شفاعه = لاتلحقك شكه ولاتجيلك ضنون
جيتك يابو ناصر وكلي شجاعه = واللي بعلم الغيب ماهوب مضمون
نبا نحشد الجيش واللعب قاعه = اما نعيش بعز وان مت مدفون
صوت نواف البريوج
فريت دولاب القصيد الحالي = مابين مر وبين طعم الحالي
الشعر ياشعار له ماريه = ماهو علي قولة خلف يالالي
الشعر فيض أشعور علمه باقي = وأميزه بجنيه ولا ريالي
ما اقول انا شاعر ولافي مثلي = لاوالله الا ماعلي أشكالي
أطمح بمده تشبع الجوعاني = لاصار يرفع راسه ويبرالي
اللي يخبر الخط يشرح خطه = لاقال قوله يعرفه لا قالي
كلٍ علي ماقيل فارق سومه = والسوق فيه الهزل وفيه الغالي
الحمدالله واثقٍ من روحي = أعدل مواضيعي علي معدالي
عزالله اني لانويت القافي = غنيت وأستوفيت راس المالي
الجود من ماجود وصف الهاجس = لاحط ثمٍ صف ثمٍ شالي
أفرق وقسمي من جزيل القسمه = اللي تعالج مخ راسٍ خالي
يالعنبو هرج الهبيل الحاقد = لاقام يرطن كنه البنقالي
أضيق يامحسن ودمي يغلي = ياحسبي الله جعل ماله والي
عندي خبر ماله ولاله وسمه = لن الجمل يسرح مع الجمالي
نختم وختم القول يخدم قولي = الله ولا شجره تضل أضلالي
صدى محسن المحيلبي
الشعر دايم حاظر(ن) في بالي = عندي عزيز ومنزله بالعالي
وانا اعتني به واحفظه واصونه = لنه فخر وينومس الرجالي
موروث امه من قديم عصوره = الجيل الاول ورثه للتالي
الشعر له ساحه وله فرسانه=وصف القصيده منوة الخيالي
يمشي رسنها مجوّده في يدّه = في كل روض(ن) يعجبه يجتالي
من طيب عسفه والعنايه فيها=في مشيها لامن مشت تختالي
وانا بعون امن الولي وتوفيقه = اعسف بنات الريح في كل حالي
ولا ارضى علي نفسي بقول الهزله= جلبي سمين ولا جلبت هزالي
وفي كل ساحه يوجد المتطفل = الصاحي والمجنون والبطالي
والجاهل اللي غارق(ن) في جهله = غشيم ومطيّر من الجهالي
خايب تعب والا مثل ماقالوا = وسط الخلا مايمرح الخبالي
فكره مشتت والقصيده عميا=امرقعه وامقطعه اوصالي
وناس(ن) ورى اهل الخيل صاحت شقرا = ياعل شقرا مالها من والي
واحد(ن) يجيب الهالكه والعرجا= هي اقصى حد(ن) له وراس المالي
الناس تحكم والبقى للافضل = وجرف الهيال بصاحبه ينهالي
[FONT="Comic Sans MS"]
صوت نواف البريوج
[/FONT
ودي أنا محسن بوْسط المنتدا = والله لعطى صاحبي نكن خضر
يامحسن أسمحلي ترى عقلي غدا = اللوم مامن لوم لو شفت الخصر
أنا وكل اللي يبي كلنا فدا = لوه يبي فرعون جبته من مصر
أثر المحبه ياعرب تحدي حدا = في قلب من يقدر علي ضيم الدهر
ياشين نكه لاضهر وقت الغدا = أشبع عيوني ..والبطن جوعه كفر
بالله لاتبعد ولا تذهب سدا = لنك ملكة الجزل من فوق وحدر
علم الردي أحذر ترى علمه ردا = لا بارك الله فيك يا العلم الغبر
الجزل لامن قال في قوله جدا = والعلم الابيض بالزمن علمه ندر
ياصاحبي بالله لا تبعد مدا = أنته بوسط القلب مامنك مفر
جعل العذارى بعد زولك لصدا = ولا عسى بعدك يقصون الشعر
صدي محسن المحيلبي
لاتحسب انّي مثل سيد ( مقتدى )=وريث للحوزه ومن نسل (الصدر)
كل (ن) علي مذهبه طاعه واقتدى= يمشي مغمض لاسمع منه امر
لامن امر له واحد (ن) فز وعدا= يطلع من الخندق ومن خلف الزبر
اليا هدا . جيشه يطيعه ويهدا = واليا زعل كل الشياطين اتحظر
انا إداري جاهز وحسب الندا= تقدر تسميني مثل ضابط خفر
إلا علي طاري من احرمك الغدا = انا بعد وصّلت لي حد الخطر
لي صاحب (ن ) لاشافه البلبل شدا = يطيح لو انه علي غصن الشجر
لاقابل الاعمي مع الدرب اهتدا=سبحان ربي خالقه نعمة بصر
اللي ليا منه نزل قطر الندا = يستاذنه من قبل ينزل للزهر
هذاك لو انه يجي للمنتدى= نذر(ن) علي لا احطله نكن حمر
صوت فهيد المغيليثي
تكفى يامحسن دور اخبار الاصحاب=وأليا لقيت العلم لفهيد رده
وخص بسؤالك عن قريبين الانساب=شخصاً عزيز وفاقده لي مده
لو أن مابيني ولا بينه كتاب=بس الوفى بالقلب دايم مرده
غاب وفقدته ياعسا خير الاسباب=عساه غايب بس على كيف وده
راشد ين فاروع طوّل عقب غاب=صاحب نعزه بالمواقف نعده
بالمنتدى شاعر أله قدر وحساب=لا قال بيته فكرك إليه شده
سمعت بأذكاره من الناس الاقراب=ذكراً يشرف لأخر جدود جده
من طيب نفسه حايزاً كل الاعجاب=مني ومن ناساً كثيره توده
دور على أخباره ترى خاطري طاب=من الشعر والبال بيح بسده
لو أن به شعار كفواً للألقاب=تاقف بوجه اللي يكيد وتصده
ألهم تحياتي على كل مرقاب=من شرق دار أخوان مريم لجده
من ربعي الادنين ولا من أجناب=أهدي لهم مشاعراً مستجده
وعجل يامحسن دور علوم الاصحاب=وأليا لقيت العلم لفهيد رده
صدي محسن المحيلبي
تكفى كبيره بين عكفان الاشناب = من غير تكفى مالنا عنك صده
يافهيد سحلي كان وصلت للارقاب = ابشر برجل (ن) باللوازم تعده
الطيب بيت مشيد حجاب واطناب = كل ( ن ) ومده ما تيسر ليده
كان الكرم له باب راشد فتح باب = عيّت هبوب الوقت بابه تسده
كان الكرم يلبس مثل لبس الثياب = راشد توشح ثوبه وصار قده
كل (ن) عرف بن ثاري اقراب واجناب = الطيب ورث (ن) من جدوده وعده
كريم ما دور ورى طيبه اتعاب = الله يزيده بالعطا ولا يلده
وان عودت للشعر له فيه مرقاب = حر (ن) على الجزلات طلعه وهده
لا ولع الميدان يقلط ولا هاب = خصمه على الضيق أبدقايق يحده
كل(ن) معه عذرا ليا طال الغياب = والله علينا بالسلامه يرده
ذكره ليامن غاب في غيبته ناب = يبقى عزيز وما له الا الموده
ولا قصور ابكل طلقين الاشناب = من غير تكفى مالنا عنك صده
صوت احمد الغبيشان
على ذكر الملامه والعتب وفكـرة التصويـر =وعلى نوح الحمامـه يـوم تلعبـي والاعبهـا
وعلى طاروق اغنيبه ولابـه شـي للتفسيـر =ابرسلها علـى محسـن وابيـن وش سبايبهـا
يامحسن دارت الدنيا ولابـه بالليالـي خيـر =بعـد مانـي وسـط داري تغربـت بغرايبهـا
مشيت وتاهت دروبي غريب ن ماعرف للسير =غريب ن ماشي بخطوه وضيع فـي خرايبهـا
اهل الدمع والعبره تولجنـي بتـال عصيـر =احاول امسح الدمعـه ولكـن ضـاق ساكبهـا
يقولون العرب لامن يحلق فالسمـا هالطيـر =يعـوّد دايـم لوكـره ولـو دارت مراكبـهـا
يامحسن خابر شاعر ولا ياتي منْـك تقصيـر =يامحسن شيللي قاف ن ابـي اسمـع طلايبهـا
يامحسن جاتلك تسري رسالة خانهـا التعبيـر =ابيهـا تاصـل لـدارك اذا هـبـت هبايبـهـا
صدي محسن المحيلبي
علي ذكر الكرامه والوفا والعز والتقدير = وعلي ذكر الرجال اللي تجي في عون صاحبها
علي بدع القصايد والمعاني زبدة التفكير = وعلي حروف ( ن ) تجيني طايعه من ثم ارتبها
يا ابن خالد واذا الجمه صفت مد الحبل بالبير =صفا وقتك معا ماها تهني في مشاربها
وهذي فرصة ( ن ) بيدك تمناها كثير الغير = عساك ابكل خطوه لا مشيت الدرب تحسبها
دموع الرجل ماتنزل علي الهين ومهما يصير = عزيزه دمعته لكن . رخصها في حبايبها
تري مايمنع الحر النداوي غير ربط السير = ولو فكيت له سيره ديار القوم عقبها
انا ماني من اللي بالقصايد يعشق التبذير = انا احسب كلمتي لا جيت للعربان اخاطبها
هلا فيك وهلا فيها من الفكره ليا التحرير = هلا بالحبر واوراقه . سلام لكف كاتبها
صوت بنت الرجال
الله على وقت اللقاء يوم الأثنيـن=ابكل شوقي جيت ساعـة لقيتـه
تم اللقاء والناس بالنوم غافيـن=من وقت موعدنا وانـا محتريتـه
قدم هديه حسب شـرع المحبيـن=وقدمت له وردة غـرام وعطيتـه
وقال العفو يابنت عندي خبر شين=ياليتني ذاك الخبـر مـا وحيتـه
قال الفراق وساعة البعد والبيـن=حانت وانا بعـدج ابـد مابغيتـه
قفا ودمعي حايرن داخـل العيـن=يامحسن بلحظـه هـدم مابنيتـه
صدي محسن المحيلبي
قبلك جرعت السم وذقت الامرين = يوم الفراق اصعب من اللي هقيته
الصبر مفتاح الفرج والصبر زين = ماتنفعك كلمة يعل وياليته
سوي سواتي وامسحي دمعة العين = يوم انه اقفي ماركضت ورجيته
عزيت نفسي عن ثمر شجرة التين = غصن الثمر بالذل لا ما جنيته
من يشتري قربي شريته ولو دين = ومن باعني بأقدام رجلي وطيته
لاهنت ياعقلي قلبت الموازين = امرت قلبي بالفراق ونسيته
صوت فيصل بن عويمر
واعذاب العين من شين تشوفه = من هموم ٍ ساكنه صدري ليالي
يابو احمد شاقني كامل وصوفه = عادت الايام تبعد كل غالي
ليت قلبي تعرفه شنهي ضروفه = وغير حبه ماسرح وياه بالي
انطبع يامحسن بقلبي حروفه = اه من زود المحبه ياحلالي
والشعر كالليل ويغطي كتوفه = يسحر العشاق في وصفه الحالي
ربي اللي كمله باحلي وصوفه = ربي اللي خالقه مثل الغزالي
واعذاب القلب من نارن بـ جوفه = كن في قلبي لهيب النار صالي
والسلام اختام والحال امعروفه = بالصدر همي كبير ٍ كـ الجبالي
صدي محسن المحيلبي
مرحبا والوقت مايعلن وقوفه = مستمر (ن) من قديم ولا يزالي
الغلا والولف والنفس العطوفه = فطرة (ن) بالناس مافيها جدالي
كل عشق ولازم تحكمه ضروفه = والأكيد ان المفارق بـالتوالي
من فقد غاليه يجهر بالحسوفه = ما الومك لو تجر الصوت عالي
اكثر العشاق ماحصل شفوفه = ولا لقاله جابة (ن) على السؤالي
يحسب ان لا مدها تملا كفوفه = والنتيجه مفلس (ن) والكف خالي
العنا وايامه السود امخلوفه = والعوض بالمقبلات من الليالي
اسمع اخر شطر تكفى لاتطوفه = لو يفيد ابها عزا عزيت حالي