هاجس الذكرى
خذاني هاجس الذكرى . علي من طاب لي ذكره =ولاغير الهجوس اللي علي قربه توديني
قطع وصلي ولا ادري عن سبب صده ولاهجره = ومن عامين كان آخر عهد مابينه وبيني
تعبت اردد الامثال كل غايب معه عذره= ولاعادت حروف الشعر بغيابه تسليني
يقولون العرب من غاب ينقص بالصدر قدره= وهو غايب وطول البعد عيا لاينسيني
ربى طيفه وسط عيني وعودها علي العبره= يجيني كل ليله لين عن نومي يجزيني
قبل طيفه صدى صوته بنفس الحس والنبره = يناديني واهلي به واحييه ويحييني
يجيني يسبق الخطوه شذاه وطيبه وعطره = تخالط ريحة انفاسه مع زهور البساتيني
مثل ماكان لاجاني خجول ويسرق النظره = وكن الرمش لاسلهم علي حبه يوصيني
اجي له مندفع كلي قليل الحظ والدبره= يزولّي خياله واقف ولاتطوله ايديني
علي هالحال طول الليل لين يبان لي فجره = خيوط الشمس مثل اللي من الغفله يوعيني
يروح الطيف في غفله ويتركني مع الحسره= ألوم الليل ويجاوب . نهار اليوم قافيني
رعاك الله يالهاجس خذيت العاشق وفكره = انا اكبر وانت لك حسبه ترجعني لعشريني
تنشف لي عدودي لين مايبقى ولا قطره = واقول بصوتي الخافت كريمه دوم ياعيني
محسن المحيلبي