قصيده للشاعر/ خالد بن فالح السكران العازمي (ياعل دار العوازم)
قصيده للشاعر/ خالد بن فالح السكران العازمي
قصيده اعجبت بها و انقلها لكم لتحوز على رضاكم
ياعل دار العوازم للمطر والربيع=وسمية يسقي الجيان مضرابها
يسيل وبل الحيا مع كل وادي وريع=ينبت خضار الربيع وتفرح احبابها
دار حمينا حماها يوم فالسوق بيع=كم شيخ قوم قصر ماقرب اطنابها
كم شيخ قوم في جال الدار وقع صريع=ماسرته لابته يوم ايتعزوى بها
يوم الرمك عجها مع كل فج وسيع=فريسها بالملاقا يزيد مهذابها
والبوش قدم المعادي ماتوانا سريع=عاداتنا فالحرايب نجهد ركابها
تشهد لنا انقير يوم المعتدي مايطيع=مايدري أنا حرار سم مخلابها
عاداتنا فالحرايب ذبح شيخ الجميع=كم لحية قدمنا ماعزة اشنابها
ضرب المشوك على العدوان يقطع قطيع=قدم المعقل نبيع العمر لحسابها
وعلى رضى وقعة يشيب منها الرضيع=يوم ان سبع القبايل تجمع اقرابها
ساعة نزلنا وعج الخيل يشفي الصديع=سوات سيل نحاوي يسقي اهضابها
وحنا كما الضلع ثابت ماتزعزع رفيع=السيل جنب ركونه عاف مرقابها
جونا وجينا لهم والموت فأمر السميع=الروس نارت وضرب الموت فأذنابها
حنا العوازم في وقت الهوش حصن منيع =مضرابنا في نحور القوم ورقابها
افعالنا مثل نجمٍ بالسما له لميع=تنومس الطيّب اللي يبحث كتابها
عوازم من هوازن ثابته ماتضيع=من نسل عامر تحدر جملة انسابها
وصح الله لســـــــان الشاعر / خالد فالح السكران العازمي