السلام عليكم ورحمة الله وبركاته
أخواني يسعدني ويشرفني أن أضع هذه القصيده المتواضعه بين أياديكم لعل وعسى أن تنال على أعجاب الجميع
صلو على النبي
--------------
تحملنا من الدنيا حمول أثقال ماتنشال=حمولن لو على راس الجبل هد الجبل كله
عزيز النفس مايرضى المذله لو تجي من خال=وردي النفس دايم عيشته بالهون والذله
أميز كلمة العاقل وأطوف كلمة الجهال=و أحشم الصاحب اللي حاشمن نفسه عن الزله
وأنا ما كنت أظنك يارفيقي تسمع العذال=حسافه طعت فيني ناس لا مذهب ولا مله
تبي تكشف لك الأيام وتعرف من الأنذال=وتعرف صاحبك وتميزه من بين خلق الله
بعدها لا عرفت الحق كلمني على الجوال=وتلقاني كما سيفك على يمناك وتسله
وأنا من غبت عني كل ليل أجرلي موال=أسلي خاطري وأشرب من البراد والدله
تبي تدري وش اللي يجرح الرجال يارجال=فراق الصاحب اللي لا فقدته تفقد الشله
وسلامتكم جميعاً