الوقت حكمه .. والليالي تجارب
وجزل الحكي يبقى ويضرب به أمثال
والفعل ماهو .. في لسانك تحارب
والطيب ماهو .. كلمةٍ بس تنقال
ماكل من يغزي يعز الشوارب
وماكل رجالٍ يعوض بـ رجال
والطيب .. مايورث لبعض الاقارب
كم شجرتً قامت ولا جالها ضلال
ولو جفت عروق الوفا من مشارب
تلقى الردى صيّطر على كل منزال
اتصد عن بحر الصراحه غوارب
اللي ليا جاته / تبيّن بها جفال
ناسٍ عن بعاد الفعايل عقارب
تلوْي ذنها بين خايب وحيال
واليا حكت كن المشارق مغارب
تسرد علوم خبال وتضحك اخبال
لها على سطح الغشامه مضارب
وفيها الريا موجود في كل الاحوال
ماكل رجالً .. يفك المكارب
ولا كل من يركب على الخيل خيال
بعض البشر تزهاه ..لحيّه و شارب
لكن قسسم بالله .. ماهو بـ رجـال