عقب البطا جيت اسمعكم بيوت القصيد
وانا ادري الوقت ضدي والزمان اشهبي
اليوم عندي شغل بالبل وبكره شديد
مشغول حدي وافكر فيك ياصاحبي
ماني بناسيك ياراع النقاب الجديد
ياللي جمالك مابين الشرق والمغربي
قلبي بحبك تراه امقّيدٍ بالحديد
والقيد شوق وغلا ياطيّب المذهبي
لامن ذكرتك كتبت افضل بيوت النشيد
وانا من اللي كتبته فيك مستغربي
ليتك تعيد النظر بي يالغزال الفريد
وتقول يانايف بن كويخ شلي تبي
واقول ابي قرب وملاقا ويومٍ سعيد
واطلب من الله عساك اتحقق المطلبي
اخاف سود الليالي تجبرك للعنيد
واقلام شعري عقب فرقاك ماتكتبي
واتصير تجمع زمانك بالزمان التليد
وتخلي الدار وتسافر ديار الظبي
تدري وش اللي حداني يالقريب البعيد
اني انا عازمي وانت اصل ابوك اجنبي
كانك تحب الصراحه والكلام الاكيد
اسمع كلام اللذي لاقال مايكذبي
المحترم في طريق الحب مايستفيد
واللي يغامر علي شان المحبه غبي
والعمر ينقص مع الايام ماهو يزيد
ومسيلمه لارسول الله ولاهو نبي