أن غيب مـده عن بعضنا ونـرجع=وليا سألتك قلت دايم على البال
وأنا مصدق ماتقوله وبطلـع=مادام مالي داخل القلب منزال
أبيك تفهم ماطرالي وتسمع=شي ٍ بقوله فيك ياسمح الأقبال
تـرا أحترامك فوق مالا تـوقع=وقدرك معي ماهـتـز من كثر الأقوال
ولحـظه معي بعطيك للـوضـع مقطـع=أبرسـم الحالـه على عـدت أشكال
يمكن معي لاعشـت الأوضاع تـقـنـع=وتحـس بـي من بعد تـغـيــر الأحوال
وضعي تـرا ويـاك صعب يـتـرقـع=لا شايـف ٍ زولـك ولا مـنـك مرسال
حاولت أبـك ياليـن راسي تـصـدع=أبـيـك تفعـل شي وتـقـدر الحال
وسكـت وأشـوفك مع الوقـت تطمـع=وأنـا عـزيـز النفـس مارضـى بـالأهمال
مانـيـب قـايـل يـمـكن أيـام وأرجـع=لكـن تـرا لا جـيـت مانـيـب رجال
أن غـيــب مــده عــن بـعـضــنــا ونـــرجـــع !!!
( تقرير عن مشاركة مخالفة ) ، و الموجودة أسفل كل مشاركة .