من عادني أصغيّر وانا أيامـي أوهـام=والحـظ والدنيـا والايــام ضــدي
ياللـي تقـول أن التباشيـر قــدّام=مرت سنيـن وبيّـح الوقـت سـدي
الضيق إله في خافقـي عـدة أعـوام=والهـم فـي صـدري ولاهـوب ودي
وطير السعد لامن وقع..عـوّد وحـام=وانا مـن الضيقـات وصلّـت حـدي
غديـت لعبـه بيـن دورات الايــام=مــدري رداة الـحـظ ولا تـحـدي
والحظ عقب أسنين مـره ليـا قـام!=أرهـى علـيّ فـي ذمتـي ماتنـدي
وانا يا لولا الحـب ماسقـت الاقـلام=ولاشيف بأرض الشعر جزري ومـدي
والهـجـر خـلانـي ضحـيـه الالام=ماريتـه مدامـع(ن) فـوق خــدي
عشت الوصال..وشوف خلي...بالاحلام=ولا الحقيقـه صد!..وأعلنـت صـدي
هذي حياتي عشتها أوهـام ب\أوهـام=والحـظ والدنيـا والايــام ضــدي