،،
،،
،،
البارحه سريت من حزن ٍ وضيق = في ( موت مانع ) طاح دمعي وإنتثر
حاولت أكذب الخبر ب/أغلا صديق = لكّن شوف العين . في وسط القبر
سلام . من طيبه على قمة طويق = يطلع مطاليع السحابه ماحدر
في إبن عمي . درع جنبي . والرفيق = عساه دون ذنوب في يوم الحشر
ليتك قبل ( موتك ) على ضلوعي تويق = بين الضلوع العوج . عظمي ماجبر
وليتك تشوف الحال لو ماهو يطيق = أستغفرالله . والله الوالي أمر
كل ماذكرك . أسوق رجلي في طريق = بيتك . من الاشواق في خدي مطر
يسوقني ريح الغلا من غير أفيق = الا وأنا في شارعك . بد البشر
الله ( يبيح الود ) من ورث ٍ عتيق = والله يصبرني ليا طال الصبر
لو الصداقه عهدها ماهو وثيق = ماطاحت دموعي علشانك هدر
ولو الاماني ترجعك . ما أستضيق = ولو العمر يعطى . أبعطيك العمر