،،
،،
،،
شفتك بعد غيبـه مـن بعيـد لبعيـد=وتجـددت كـل الجـروح الاليـمـه
وأخفيت دمع العين خـوف المناقيـد=وأزريت من دمعـه بعينـي يتيمـه ؟
وين أنت ياللي شوفتـك كنهـا عيـد=فـي غيبتـك كـل الامانـي عقيمـه
تاخذنـي الذكـرى . وأرددك ترديـد=ولازال لـك فالقلـب حشمـه وقيمـه
يوم نتقابـل مـن ولـه أيـدن بأيـد=موعد لقـا يجمـع غريـم وغريمـه
وتقول أحبك وأنـا أقـول لـك عيـد=وأعطيك وأخـذ . والعلاقـه حميمـه
والحين في غيبتك . ( ضيق وتناهيد )=وسيل المفارق صـار تقفـاه ديمـه
علمتني مـن صدتـك ربطـة القيـد=وأنشهـدن فـي كـل طق .. تعليمـه
حتى لو أخطي بعض الاحيان وأزيـد=العـذر ينفـع بالنفـوس الكريـمـه
وأنا رضيتـك عشـق ياسيـد الغيـد=والهجر بعد الوصل . مافيـه شيمـه
مابيك تسمـع فـي كـلام المقاريـد=ولاتصـدق فـي عـلـوم النميـمـه
لاصار حدني عنـك خـوف المناقيـد=يكفي بقالي منك ( ذكرى قديمه ) .. !