كنت احسب ان المحبه . بس ضحك ومزوح = حتى عشقت . وعرفت ان المحبه ضياع
جربتها . وامتلى قلبي هموم وجروح = من بعد ما كنت قدام المواجع . شجاع
ماعاد قلبي . من هموم المحبه سموح = ولا عاد يقدر . على حمل الجفا والوداع
من بعد ما كان قلبي . في دروبه طموح = هالحين عيا يميّز . بين صدق وخداع
قلب المولّع . من سهوم المفارق يفوح = وصدوف الايام . حطّت لـ المولّع شراع
سما المحبه . بروق الحزن فيها تلوح = وايامنا . باعت أفراح الهوا بـ ألتياع
واحساسنا . من شقى دروب المحبه تبوح = صدمة جفا . لبّسة وجه المحبه قناع
متى على الله . هموم الحب عني تروح = ماعاد حمل الهوى . في خافقي مستطاع
ان قلت بنسى . على قلبي تزيد الجروح = مابعد حلو الهوى والحب . غير الضياع