يا مجمّل الحب .. راع شعور مفتونك = قلبه .. يحدّه غلاك وفاض بـ أشواقه
خل الزعل واتركه . لا يخلف ظنونك = شاعرك من غبت عنه . شانت أخلاقه
هذا شهر مر . والاشواق يطرونك = شف كيف طاري غيابك . بعثر أوراقه
لا مر طيفك . تذكّر ضحكة سنونك = وعيونك اللي تزيل الهم .. وأرهاقه
يساير الوقت في ذكراك . ولحونك = والعين في شوفتك . بالحيل مشتاقه
شاعرك . يبدع بيوت الشعر لعيونك = وان غاب شعره تجدّد .. والغلا ساقه
تعال .. خل الجفا لا يختلف لونك = دام الغلا في وريد القلب وأعماقه
مادام قلبه معك .. لا تفكّر يخونك = أنت أول أنسان .. حبّه شيّد أوثاقه