أنتظرتك .. لين ما ملّ أنتظاري = ما اذكر اني مثلك أنسان .. انتظرته
ما ذبحني .. بالجفا غير الطواري = كل ليل يمر بطيوفك .. سهرته
ماهقيت انك معي .. بايع وشاري = ليه من شاريك بـ أحساسه .. هجرته
كنت أظنك بالغلا .. دايم تماري = وأنت ماحسّيت فيه .. ولا شعرته
كنت أظنك .. في شعور القلب داري = وأنت ماتدري .. وفـ غيابك كسرته
دايم اداريك .. وانته ما تداري = كل شي ٍ معك سويته .. خسرته
لو صحيح إن المحبه .. بـ أختياري = كان حبك بالقصايد .. ما ذكرته
ولا ولهت لـ شوفتك .. لا مر طاري = والغلا .. ما كان بـالقلب أعتبرته
دام لك قلب ٍ على الهجران .. ضاري = بـ أتركك وأنهيك من قلب ٍ .. أسرته