ياسلام الله سلامٍ على روؤس الحرار = لرجال اللي لها فالزوم مقدمه
ياحبيب طالت الهيمنه والأحتكار = وأنت ماأدري تجهل العلم ولا تعلمه
مرحبا ترحيبتٍ دايره في كل دار = لرجال مصممه للزوم مصممه
كان ماعندك صبر مالك إلا الأنتحار = حط في نفسك شريحة جهاز ملغمه
البقا بالشاعر اللي تحوّل مستشار = مايهمه لو يقطع بدمه ولحمه
أحسبنك فيك قدره لتنفيذ القرار = وهثر بني البيت عندك ملعثم لعثمه
مايقدم من رجالٍ عليها إلا الخيار =وأنت يامطوع جهينه محمد عكرمه
البشوت مفصله لطوال وللقصار = والسناني ركبته شبر عن كعب إقدمه
أشهد إن الحظ طيب وزاد النار نار = وأنت مابين الفريقين تبغى المكرمه
مير لاهذا ولا ذا يطلعلك شعار = كود مستور العصيمي يلد لمحزمه
فرق مثل الفرق فالليل عن فرق النهار = عاصمتك العيص وإعشيره إلنا عاصمه
ليت عن نفسك تحاول ترد الأعتبار =أنت في مافات وإسمك ماغر بالمرسمه
ياحبيب قبل تصل المشاريه الكبار = كل ديره عند أهلها بلاد مكرمه
أنت رافقت العصيمي ولحق القطار = ليت يامستور بنيٍ بنيته تهدمه
والله إنا مانحاول على كشف الستار = مير خيره يامحمد تكب النمنمه
رفقتي عز وشرف مع طويلين العمار = وأنت لاشفت العصيمي قعدت تخمخمه
والله إني لاعدوك ولا طلاب ثأر = مير حصلتك لحالك تدير منضمه
يوم راع الطيب ماله عن الطيب إعتذار = الرجل يؤخذ على الكلمه اللي من فمه
روح دور ربعك اللي غدوا في قندهار = كل من خان الوطن للحكومه سلمه
لن بغيت الطيبه ماعى الطيب غبار = وإن بغيت الثانيه كل جنب وميسمه
وأنت إلك معهم جماعه تلاقوا فالمطار = كل متجني يباله طلب ومحاكمه
التوقيع - اللميعي
احدن على ربعه كم الغيث همال= واحدن على ربعه هبوب وعواصيف
واحدن يقول ويقرن القول بفعال=واحدن يقول وحزة الفعل ماشيف