** محاورات الشاعر : نواف منور العازمي رحمه الله
(( نواف منور العازمي ))
+
(( عبد الله العير المطيري ))
** نواف
:
سلام رديّه تذر الكحل بعيون الحسد=تلفي مجال اللي يحاولها ولاهو حولها
السبت قدام الاحد واللي ورى السبت الاحد=اقولها واللي معه فكرٍ سليم يقولها
** عبد الله العير
:
يامرحبا ياسعود يوم انك تغني مع سعد=اهل العقول البيض مدري وش دخل بعقولها
تراك يانواف ابن منور غريب (إ)عن البلد=والمقفليّه عند رجالٍ يحفظ قفولها
** نواف
:
دام البقاء بسعود خيّال الجهام المعتمد=ما اقولها لأهل الطبول اللي تدق طبولها
استغفر الله يوم قلت ام الولد جابت ولد=يوم انها قامت تشيل الجمر وسط حثولها
** عبدالله العير
:
إليا قنب سرحان في الظلماء ورد والا شرد=والصايحه تنخى وكل الناس مالدولها
عين المهلهل عقب اخوه كليب والفها الرمد=والناس قامت يم .... حروثها تعن خيولها
** نواف
:
انا ادري انك علةٍ صرمى ولاادري وش بعد=المشكله حلياك حلياها وزولك زولها
ترعد وتبرق سالفتكم جعل مافيها برد=يالله عساها المزنه اللي ماتسيل سيولها
** عبدالله العير
:
ابن الحلال اللي حرث عنها تورط وانقرد=انته تحاليها وانا حملتها بحمولها
الله واكبر يالعوازم ياقويين الجهد=ان كان فيكم خير سربتنا الصباح اقفوا لها
** نواف
:
ان جيت مازاد العدد وان رحت ماتنقص عدد=تبغى الصحيح اضحك على ناسٍ خفاف عقولها
عزالله انك فارسٍ قطاع لو ماترتعد=والا العوازم خابرين فعولكم وفعولها
** عبد الله العير
:
انا ليا جيت اخزي الشيطان والواقف قعد=والا انت ابو جره مايعرف ثومها من فولها
فعلت لك فعله ولاحصلّت منها الا النكد=يوم العرب هجت وكبت قشها ونعولها
(( نواف العازمي ))
+
(( ملفي المورقي ))
** نواف :
ياسلام الله سلامن مثل نور الشمس بادي= في محل العزوة الي نارهم بالحيل حية
الوعد يالمورقي بكرة ليا نادى المنادي=و كان منته في عفيف القاك عند اهل الحوية
** المورقي
:
مرحبا ترحيبتن مسكانها داخل فؤادي = مير اترجمها واهندسها واقدمها هدية
الوعد ياصاحبي وان سيل الله كل وادي= غير هذا لاتقول ولاتلد العين بية
** نواف
:
ياعسى فيكم البقى يالشاعر الي منت عادي= مطلعك من راس تنورة على نجد العذية
انت مدري مع فريق النصر ولا الاتحادي=ودي اعرف قبل ندخل في تفاصيل القضية
** المورقي
:
السوالف كلبوها طيبة والجو هادي= قض وقتك بارك الله فيك في روحه وجية
الخبر يابن الحلال اكبر من اخبار النوادي= صارت الدعوة على خيطان مدري السالمية
** نواف
:
المطية فوقها راع المطية والشدادي= وانشد الراعي عن اشداد المطية والمطية
نسمع اخبار الروادي كلبوها غير رادي= ذاك لو انة يجيب اخبار زودها شوية
** المورقي
:
من غزاة الذيب الاشهب لايصيح ولاينادي= يحتزم بالسيف ابو حدين من دون الرعية
تدري ان الداب مايهتم من سرب الجرادي = يتحرف ويتخير راس ذيك وراس ذية
** نواف
:
ياحليل الي يحسبنة يصيد ولا يصادي= لي بكرة تنكبة الايام نكبة عالمية
كان رحت اتابع الغلطات والعلم الوكادي= يمكن الايام تغدر فيك وتصير الضحية
** المورقي
:
ان نفضنا البارق المنشور واعلنا الجهادي=دون علمن نقصدة مانخلف النية بنية
الحرايب لاتحسبها خراب بطول وادي= مايلد القوم غير سلاح وعزومن قوية
(( نواف العازمي ))
+
(( ذيب الشمري ))
** نواف :
سلامي والله يبيض وجه خالد زعل =لــــزم عليه وانــــا لــدعــواه لبـيـتـهـا
يالشمري ذيب تال الوقت مسبوه عهل =سويتها مــيــر مدري كــيــف سويتها
** ذيب الشمري :
يامرحبا بالخصوم اللي تــصــيغ الجمل =اللي تــــحـــدى اليا مني تحديتها
ماني مكلف بتدوير البعير الـــهــمــل =اتعبت رجلي على سكته واحفيتها
** نواف العازمي
:
انا احسب انك قبل هذي طبيب العلل =واثرك تبغى تداوي العين واعميتها
رجلك ورى مسيلمه الكذاب وابو جهل =تركض ورى الشله اللي ينهدم بيتها
** ذيب الشمري
:
انا اخلط الحبة السودا بجوف العسل =يــــاكـــم علة زمان(ن) طافت داويتها
يلعنك ياكوكب الــمــريخ كوكب زحــل=هذي نتيجة لــــك الله مـاتـمـنـيـتـهـا
** نواف العازمي :
انت سلالة ثمود مكذبين الـــرســـل =ماهي غريبه لو الاصحاب غشيتها
منك الزعل محتمل ومنك الرضا محتمل =مير ابخامس يمينك يــــوم مديتها
** ذيب الشمري :
انا سلالة رجال(ن) صالحين العمل =امــنــت بالله والاصـنـام هديتها
حديثك المغتضب واسلوبك المبتذل =لامن بغت تـطفي النيران شبيتها
(( نواف العازمي ))
+
(( عبدالله غازي ))
** نواف :
يامرحبا من هجوسا صادقا ماهو بكذاب =بأصحابنا اللي تواعدنا وتوفي في وعدها
بضاعة السوق وسط السوق ياللي تفتح الباب = وأنا اعرف الأوله والثانيه واللي بعدها
** عبدالله غازي :
دام البقا بالصحيب اللي يعدي كل مرقاب = يخايل المزنه اللي سيلها يسبق رعدها
بضاعة السوق مابين الشرار وفتل الاشناب = يشره على سلعة البياع شرايا فقدها
** نواف العازمي :
ياأ صحابنا اللي يربون اللحى وتحف الأشناب =اتعلم اللي يجيب اخبارها لو مانشدها
الناس يامطير في تال الليالي صارت احزاب = وأحزابكم قمت اعددها ولايحصى عددها
** عبدالله غازي :
الساحر اللي دفن سحرك وثارت فيك الاسباب =والأرض تبكي على الطيب تضمه في لحدها
جابتك من تحت الارض الحيه اللي جابت الداب = والنفس مادري يصدق جدها ولا جهدها
** نواف العازمي :
ياصحابنا ياأهل الضفة فضحتونا في الاجناب = من حبكم للشهاده ترمي المرضع ولدها
خلوني أضرب بسيفي كل ماحصلت مضراب =هاذي علوم الحقيقه ياابن غازي واعتمدها
** عبدالله غازي :
الكون كله مجرات وسماء ونجوم وتراب = كم واحدا يطلب الحاجه ويرجع ماوجدها
ياراس مشعاب في هذا السنه ماانته بمشعاب = والعين مادري يصدق دمعها ولا رمدها
** نواف العازمي :
الناس راس وذنب وانتم كماهم روس وأذناب=خل النمـاره تنـزل روسهـا وتمـد يدهـا
ماودي انك تغيب نورهـا والنـور ماغـاب= لو مامعك حجة فالمحكمـه تثبـت سندهـا
** عبدالله غازي :
حنا لقيناك يابيت الشعـر عمـدان واطنـاب = ماتستعـز البيـوت وبنيهـا كنـه هـددهـا
يالعازمي مايجي معنى الزمان حروف وكتاب =خل البـلادى تعيـد عيدهـا داخـل بلدهـا
** نواف العازمي :
راحت بيوت الشعر والشعر مع سعدون وعقاب =ياصاحبـن لامناسيـب البيـوت ولاعمـدهـا
الليله انته لذيك وذيـك لازم تحسـب حسـاب = وان شفت برق السحابه زادجنب عن نصدهـا
** عبدالله غازي :
انته ثنا عشر سنه تومي على راسك بمشهاب =وحنـا نسمـي عبدهـا اول مـن عبـدهـا
اما تجي بالرضا والطيب ولا بـأم غصـاب= ياطيب الفال من حل البيوت ومـن عقدهـا
(( نواف العازمي ))
+
(( عيد بن مربح ))
** نواف :
يا عيد انت في رأسك علوم وسواليف=ولكـن مـال الحمـل منـا ومـنـا
ياليتك تحل الوضع يا معزب الضيـف=وبكره تروح المشكلـة عـن وطنـا
** عيد مربح :
تقوله بعد عيت تجيلك على الكيف=ليا وسوس الرجال وندق وغنـا
ليا صار ما تقدر تعد المشاريـف=ياليتك جلست بمجلسك مـا تعنـا
** نواف العازمي :
أقوله وانا ادري بالحقيقة من الزيف=ولا صابنا وسواس من يـوم كنـا
ليا صاروا العقال مثـل الملاقيـف=عزلنا ضعنكم ما مشى مـع ضعنـا
** عيد مربح :
لا ضاقت على بعض الرجال المحاريف=ضربنا الخطـوط الواسعـة وأوسعنـا
يا نواف لا تثـر عليـك السواليـف=ليا ضفت تلقـى زادنـا فـي صحنـا
** نواف العازمي :
وأقول العلوم الكايده والمواقيف=تزين وتشين ولا لها غير حنا
لو إنا نبيها تالع النار باليـف=حسبنا حساب المشكلة ما ومنا
** عيد مربح :
ينوض السحاب ويمطر الوسم والصيف=وعقـب المحـول فياضنـا يخضرنـا
تراني على ما فـات مالـي تحاسيـف=وبعض العلوم العـوج مـا زعزعنـا
** نواف العازمي :
أنا أشوف مبداها عجاج وعواصيف=لكن الخطا يا عيد مـا هـو بمنـا
(( نواف العازمي ))
+
(( رشيد الزلامي )))
** رشيد الزلامي :
مرحبابالشاعر اللي بالاصل منهـم ومنـا=عد ماخيل خيال الصيف وامطر من مزونه
الوطن هذا وطنكم والوطـن هـذا وطنـا=نعرفة وانتم ليا جيتوا وطنكـم تعرفونـه
** نواف العازمي :
البقا بالشاعر اللـي كلمـا راح وتعنـا=ماحدن يجهل رشيد ولاحدن يجهل لحونه
انت صادق والعروبة مابها شك وظنـا=فيه ضلع مثل ضلع اطويق ثابت ركونه
** رشيد الزلامي :
مثلكم يكسب رضانا وش يدور من زعلنا=الرفيق اللي يحب اخشومكم لا تزعلونه
انت يانـواف تعرفنـا ليا سقنـا جملنـا=الصديق اللي وراك ابعيد حطيناك دونـه
** نواف العازمي :
ياعسى السكين في جنب البعير اللي مثنى=وانت تعرفنا ولا نرضى على مثلك مهونه
من عرف درب السلامة غير دربة ما تمنى=والرجال تقدر المعروف ماهـم يجحدونـه
** رشيد الزلامي :
الحقيقة مالنا غيرك ولالك غيـر حنـا=مار صار العلم مثل الحلم كيف تفسرونه
في نهار العيد ماشفنا لكم كـف محنـا=والرجال يقدسون العيد يـوم يعيدونـه
** نواف العازمي :
انت قبل العام قد شاركت في غـزوة مهنـا=وان عطيتك علم حطة من وراى قلبك ودونه
في نهار العيد كلن له هـدف سامـي وفنـا=فيه عود عود طيب وفيـه عـود يعزفونـه
** رشيد الزلامي :
علمنا الاول وصلك وعلمك الثاني وصلنا=مار يوم الذيب قرط فيك كسرنا سنونـه
لو خليناه ياكلكـم كبـر بطنـه واكلنـا=مار خليناه يربض غصب وانتم تسبرونه
** نواف العازمي :
لاتسجلها علينا والخطـأ ماهـو بمنـا=فيه ناس غير شخصك يارشيد ايمثلونه
(( نواف العازمي ))
+
(( ملفي الشلاحي ))
** الشلاحي :
هلا مرحبا ترحيبةٍ دونها ضبطان = مواقيفنا من سابق الوقت نحماها
يانواف يانواف قدامك الميدان =يمينٍ تقدم نصفها تأخذ ملاها
** نواف :
عسا الله يبارك فيك يا معزب الضيفان = وحنا نعرف اصحابنا قبل ننصاها
لقيناك ياملفي ورى حلة القصمان = وحنا نبا نأخذ علومك من اقصاها
** الشلاحي :
انا خابر انك تعرف اصحابك المطران = على خبرك الاول تدور وتلقاها
نشدت العرب قالوا تحصله في خيطان =حدود السعودية عميلك تعداها
** نواف :
انا مالحقني شك في جيرة الجيران= لكنّا ليا ذلحين مانتبع رضاها
صحيح انت ياخيطان لمطير والعتبان =وحنا جنوب الاحمدي ما حسدناها
** الشلاحي :
تقوله يابن منور ولا جبت لي برهان= وانا ما عتقد لو يحكم الامر تعصاها
ياراع الكويت اصبر على دورة الازمان = يجوز العرب بكرة ما تدخلك فذراها
** نواف :
براهينها يا صاحبي كان ياما كان = لكنّا نزلنا فالديار وعمرناها
ياليتك تجينا كل ما ربع الصمان = ليا جيت قرية تنحرف ما تعداها
** الشلاحي :
بعد ما عطوك الدرس روح احفظ العنوان = مطير الجزيرة مستحيلٍ تحداها
تعوذ من الشيطان وارتاح في دسمان = لا تلحق علومٍ كايدة منت وياها
** نواف :
اظنك تباها شعلةٍ ما بها دخان = عميلٍ ضحكنا له شوية وسواها
علوم الولد صارت كبيرة كما الضلعان = ولكن روح وقول له لا تباطاها
** الشلاحي :
ألا ياطويل العمر لا تقرب النيران = عيونك عليها هب دخان واعماها
(( نواف العازمي ))
+
(( حبيب العازمي ))
** نواف :
مواقف هل العرف ماهي غريبه وحبل المشاكل يحلا يحلا=وباق السوالف لها شرح ثاني ومعنا ومعنا
جيت بقول قول في مكانه = ياحبيب يامال العافيه
....
خبر خير ياطير وده وجيبه ولا والله الا =طريقك مخالف ياهالمودماني سمعنا سمعنا
موسم الحج حجه معك امانه = حجة العام ماهي كافيه
** حبيب العازمي :
انا شفت شاعر علومه غريبه ورحب ورحب وهلا وهلا=لكن ما يخالف تغنى لساني طمعنا طمعنا
كل قلب بقلبه مع لسانه =والعوافي تراهي ضافيه
....
حمينا المواقف ولو هي صعيبه ولومك على رجل عنها تخلا تخلا =ولاني بحالف وهذا مكاني واطعنا واطعنا
لاتصارع زمانك وامتحانه = الضماير تراها صافيه
** نواف :
ابو زيد جاهد وحصل نصيبه وولا وولا =وقلبك موالف مير الترجماني وش اعنا وش اعنا
يابن شداد ياعنتر زمانه = بعد بكره تبين الخافيه
......
حبيب بعد واق راس الجذيبه تعلا تعلا =ومعناه كالف يجيب السماني ماضعنا ماضعنا
ياصغر القوم يا شاعب حصانه =كل ماجيت نارك طافيه
** حبيب العازمي :
عجايب كثيره وكور النجيبه تدلا تدلا =وحظك مصالف ياراع الحصاني قنعنا قنعنا
كان نواف ضايق من خوانه = الرضا فالليال الدافيه
.....
انا من نهار بديت الرقيبه ماذلا ماذلا =ولاجيب تالف ولا قلباني ولا اعنا ولا اعنا
اطيب التين والا البرتقانه = وابرك الغش والا السافيه
** نواف :
انا عارفك فالامور الصعيبه تخلا تخلا =وترقا التحالف مع اهل السواني رفعنا رفعنا
قلت لك قلت لك منت تكانه = يوم روحت رجلك حافيه
.....
ابي علم ثاني ولكن ماليبه محلا محلا =ولا ارضى بخالف بعد جيت عاني دفعنا دفعنا
انت من بعد غيرت الديانه = صار مغزاك دون انكافيه
(( نواف العازمي ))
+
(( بكر الحضرمي ))
** نواف :
ياسلام الله سلام ما يبور = في مساميع الرياجيل الحضور
والله الوالي بتصريف الامور = الوعد قدام وافهم يالاديب
......
الليل ياضيفان في حكمة معازيب = الله يحييكم على طيب وكرامه
......
الطرادي يوم جونا من بعيد = يفعل الله ما يشا وما يريد
الكلام الزين ما ينقص يزيد = الوعد قدام وافهم يالاديب
......
واللي يبى يلعب على زين الهناديب =يمشي على هونه ويبشر بالسلامه
** الحضرمي :
مرحبا ترحيب يبدي كل زين = يالعوازم يالرجال الغانمين
بعد جيتونا عسى البين يبين = الوعد قدام وافهم يالاديب
......
يامرحبا ترحيبتن تقضي مطاليب =يالشاعر اللي ما تغير عن نظامه
......
المعاني كنها برق السيوف = شب نارك بعد زينا الصفوف
والجماهير الغفيره باللالوف = والوعد قدام وافهم يالاديب
......
حنا تحالفنا على قوم المتاعيب = بعد البعير الزين داوينا عظامه
** نواف :
بارك الله فيك شاعر ومعروف= وان راع العرف يجزى بمعروف
والخبر بين المعزب والضيوف = والوعد قدام وافهم يالاديب
......
انا ادري انك حضرمي ماتعلم الغيب =مير الكلام الزين تبدي له علامه
......
ما تعذرب في ردودك فالطريق = كيف في صدرك بداه السرع ضيق
كان شفت تشجعون ايا فريق = الوعد قدام وافهم يا الاديب
......
يامكثر اللي يخطي الاهداف ويصيب =واللي يلوم الناس تاطاه الملامه
** الحضرمي :
انت يانواف شاعر فالكويت = جابني الداعي وللواجب لفيت
والخناذف بعد فيهم واشتريت = الوعد قدام وافهم يا الاديب
......
الصقر يعرف من جناحه والمخاليب =هذي وصوف الصقر لي يوم القيامه
......
نعرف الميقاف ونسد اللزوم = والعوايد كلها ويا السلوم
بعد ماقالو وردينا الهجوم = الوعد قدام وافهم يا الاديب
......
حنا تحزمنا بعد جتنا المناديب= يومن بعض الناس ما جود حزامه
** نواف :
صاحبك لازادت الشده يزود=((والكويت والصدار بن سعود))؟
وان صبرنا كل صبر له حدود = والوعد قدام وافهم يا الاديب
......
اللي يلد العين يم الشك والريب= عساه يجلا الليل من جرف بعدامه
......
جيتك ماهي غريبه للكويت=لين بعد شوي تنشد وش لقيت
اعرف المكسب ليا بعت وشريت = والوعد قدام وافهم يا الاديب
......
لا دارت الدنيا وفتشنا الدواليب= كلن يبى يعرف حلاله من حرامه
** الحضرمي :
لاتوهق في غزيرات البحور =وان مزحتك لا يجي فيك الغرور
ثم اجيب لكم مفلقت النحور؟؟ = والوعد قدام وافهم يا الاديب
......
يالعازمي خلك على روس المراقيب= والا يجيك السيل من نو الغمامه