يابعد منهو لي سمعت ورأيته=وبعد القلوب إللي تداري معزتك
أمي عشقت إسمك وحرفك هويته=ياجنة الدنيا وياحلو جنتك
يأم المشاعر والشعور احتويته=خوفك حنانك والمداراه حستك
عطفك ولطفك واهتمامك لقيته=يامن تضحيلي وضحكي مسرتك
أنتي أمانينا ومينا رسيته=ومافيه شمعاتاً لنا دون شمعتك
أنتي شموخ وعز مجداً وصيته=ياجامعه زين الخصايل وعمتك
أنتي طموحاً في حياتي بنيته=وأخذت من عزمك وقوتك همتك
أنا لك وعزمي معك ماثنيته=يمينك وهقوتك قوتك قوتك
فخرك وذخرك والذي بي هقيته=عونك وشرهاتك وأنا إللي بفرحتك
سوالفك تطرب وصوتك فديته=ومحداً كما طلتك ولا بهيبتك
بيت القصيد إللي كتبت وحكيته=وأطرب على القيفان ولابلحنتك
يابعد عمري والعمر لك هديته=مهما عطيتك مانوفي لقيمتك
المدح بك لامن نهيته بديته=حب وفا كيف أختصرها بسيرتك
يأغلى البشر حقك ما والله وفيته=وأنا الذي واهب عمري لخدمتك
لو حبكم بحراً ما والله رويته=مكفيه عن طيبت الناس طيبتك
يافرحتي همك وحزنك شريته=وأموت أنا ما أشعر بزعلك وشرهتك
رضاك ضياً بالليالي سريته=ومقاصدي من وين وجهت يمتك
همي بلقياكم تراني رميته=وأفرح أنا بشوفتك وأفرح بجمعتك
لاما اتحمل بعدك ولاقويته=يوم أبرك الساعات ساعات شوفتك
حتى الرسول أوصى بحديثاً قريته=وصى على شكرك وصى بصحبتك