بسم الله الرحمن الرحيم
السلام عليكم ورحمة الله وبركاته
** نبذه عن الشاعر :
- هو :
حمدان الزهام من عائلة الجهران من فخذ الصوابر متوفي سنة 1947 ميلادي رحمة الله عليه
** قصائد الشاعر :
( 1 )
أعوي كما ذيبٍ عوى من خوى الجوع=الصبـح بـان ولاقضالـه لـوامـا
وا..قلبي اللي بين الأضلاع ممـزوع=من شوفة المظهـور قـدم الجهامـا
شدوّا .. وشالوله علي أشقح الطـوع=وأتلا العهد بـه يـوم شـدة خزامـا
عزالله انـه لاعنـي بالهـوى لـوع=قولـة فمـان الله ومــع السـلامـا
كد خايلوّا من غر الأمـزان لامـوع=برقٍ على (الريّدا) تسرهـج جمامـا
سيله يجيك مـع الشخاتيـر دايـوع=راج وتمروج ليـن خـرب أرمامـا
والصيد من دونـه هماليـل ورتـوع=راحوا .. لمدهـال الضبـا والنعامـا
ماشيـد باللامـه ولانـي بمطيـوع=من جوبة المـاء شلّعوا..كـل قامـا
( 2 )
ياعيون اللي تقود الصيد كله=سمعت الرميه وهي ماوكدتها
زرفلة بالصيد مع دقه وجله=لازمت. خطوا البنيّه وحَشتها
زلّتك مدموحةٍ والغيض خله=ماشيينٍ في رضاك من أولتها
أشهد أن اليوم عذباكم مدلـه=مير حنّا طالبينـك تاليتهـا
لاتغلا والغلا ضيّـق محلـه=لاتهيم النفس مع زود ذعبتها
( 3 )
يالعين أشوفك هالسنـه مستغلـه=والله ملومك هالزمـان معـذوره
يامل قلـبٍ كـل طـاريٍّ يتلـه=تلـة نـداوّيَ دعـوه إلنـقـوره
طلع وقال الشيخ يارجـل خلـه=وقرش مع اللجه توامـا سيـوره
أو..تل هجنن من ديـار المذلـه=في لاهب الجوزى عليهن حروره
وراحن كما جول الحباري.. تجله=شيهانـةٍ جيعانـةٍ ومحـشـوره
ركبو عليهن وقفت العـود ظلـه=وخلوا .. غداهم ناقعٍ في قـدوره
( 4 )
يلوع قلبي من عنـا البعـد هوجـاس=ويطوي ضلوعي بارد الصبر والخوف
يتوق قلبي كـل مـا هـب نسنـاس=خفاق في شوقـه وبالحيـل ملهـوف
عيني على شوفه مع الليـل عسـاس=كن القذاة بحاجرى رمـش مطـروف
غنيت في ليل الهوى جرح و احساس=وجريت مسحوبي على نغمة اطيـوف
واجاذب الطيف الوفي قـاف نبـراس=تسري به الونه على ليـل مزفـوف
خيط الوفا بالوصل له داعـي انفـاس=أنسام روحي داعي الوصل والشـوف
لبست لون الليل فـي خافقـي لبـاس=يوم الجفا أرخى على النفس محسوف
ما للجفا في خاطري لـون وأجنـاس=واللي يحب يشوف بعيـون معـروف
( 5 )
يوم جيـت العـد تسفـح مغاريبـه=جيت مدهاله علـى العـد لاعـادي
جعل خدٍ ترف الأقـدام يمشـي بـه=ينهشم فوقـه مـن الوبـل رعـادي
ينثر المـاء ليـن تمشـي مداعيبـه=كـل ماقلنـا يخـف المطـر زادي
ياحسـن ودي بقـربـك ووديـبـه=وستـوا عنـدي مراحـي ومقعـادي
هي تقول "أبغيك" ... والقلب مدري به=ظنتـي ماسيـل وادي يجـي وادي
والله أن قلبـي مريـبٍ مـن الغيبـه=والـعـذارى مـايـدانٍ الأبـعـادي
يتبع بإذن الله ...
** المصدر :
- عضو شبكة مجالس قبيلة العوازم : جاسم الجهراني
ديوان الشاعر : (( حمدان الزهام )) رحمه الله
( تقرير عن مشاركة مخالفة ) ، و الموجودة أسفل كل مشاركة .