** قصائد الشاعر : عبدالله فالح ناصر المسحمي
(( 1 ))
القريه اللي مابها كود الاشرار = راع الوفا يلقى العوض في بدلها
دام الصديق يلف ويحط الاعذار = واقاربه فوق الحياه يختلها
يلقى بداله فالوطن سر واجهار = فالديره اللي ماوطاها محلها
من صد عنك وللوفا حط الانكار = وشلون منه التاليات يعدلها
احسن طريقه فيه لافيه تحتار = ولاتقول هذي من سبايب زللها
ماشاورك في بعض الاشيا والافكار = ولاهيب منه الاوله لك فعلها
ماكنه إلا نازح الدار للدار = يمشي ورى ناسٍ رديٍ عملها
خله ياعل بداخله تشعل النار = مامنه فود ومن وصايف عللها
يغنيك عنه اللي عليمٍ بالاسرار = دامه يشابه للمصيبه واهلها
لاتقول انا وياه لو نوه يسار = وتهين نفسٍ عند واليك اجلها
خله يولي من طويلات واقصار = فوق الحياه اللي على الله مهلها
دام المعزه مالها باب وإستار = ولابه مثل ماوصفوه بعسلها
ياصار مايوجد نعاون ولاصار = من شاف له دارٍ عمارٍ نزلها
يبقى فلاصار الوفا يوم الاذكار = يطري على من جا سبايب جهلها
وانت العليم المطلع وال الاقدار = يارب ياعالم رضاه وزعلها
عليك يارب الملا كل الاخبار = لافرق بين الاوله مع سملها
يا الآدمي قبل يجي قص الاعمار = دل الدليل وكلمة الحق قلها
النور من غطه فلا يوصف اخيار = رايه ومن حط الخطيه نقلها
(( 2 ))
قالها من قالها بالماضي = كل حلٍ يستحي من حله
للدعاوي فاتل ونقاضي = والوفا راعيه شاف ودله
بالوصايف مثل برقٍ ناضي = والمثل مابين دق وجله
صم وصل ولاحظ الافراضي = ومن يخالف للشريعه قله
لك حساب وكل عمرٍ قاضي = والخطا مامنه فود وخله
(( 3 ))
ياعاكس الوقت وياك طاوع له = تراك ماتقدر الوقت يامالي
اوصيك من قبل ياطاك سانع له = ما احدٍ قواله بالاقفى والاقبالي
لاتقوم بالصبر دايم تتابع له = تلقى المصايب وشر التبهذالي
الادمي في دروب المطامع له = والحق يبدي لك الله وينقالي
من قبل ينشاف هل المدامع له = يافات الاول صعب باقي التالي
عصر الشباب الفوايد تواقع له = من فايت الوقت وهذيك الاجيالي
يا الآدمي ميز الدرب رايع له = واتبع طواريق ماضين الافعالي
قلته إلمن عودن المسامع له = والباب له شيف مظهر ومدخالي
اعرف أحدٍ فلابد راجع له = والهم لابد ماهوب ينزالي
به شخص ماشاف كيف المنافع له = ومن لايميز لقى شر مدهالي