ياليلة السبت منتي مثل الأيامي=فيك انكشف كل شي وبانت الصوره
فيك انكشف كل علم وبان قدامي=تبينت لي علوم (ن) قبل مصروره
منها عرفت الردي ملعون الأرسامي=اللى لعب دور لكن ماضبط دوره
كنت احسبنه رفيق الدرب وحزامي=في موقف (ن) فيه كل (ن) يفقد اشعوره
واثريه ناوي على ( ذبحي ) من العامي=هذي سنه والجمل يبرك على زوره
لكن على الحرام وحلف (ن) الزامي=أني لجي مثل عظم (ن) وسط حنجوره
حتى يعرف الحقيقه عكس الأحلامي=ويقدر الناس بغيابه وبحضوره
مافيه بندق تثور ومالها رامي=والعلم واضح وكل (ن) يقنعه شوره
لو كان هداج تيما يروي الضامي=فالناس منهيه وفالناس ماموره
وختامها عد من صلى ومن صامي=ازكا صلاتي على اللى شايع (ن) نوره