المحاورات المباشرة الحصرية في مجالس قبيلة العوازم ( بدون ردود )

[فهد مناور]

هذه المحاوره التي جرت مباشره وحصريا في مجالس قبيلة العوازم

بين الشاعرين :

مساعد بن جبران وراشد بن فاروع





--------------------------------------------------


راشد بن فاروع

البداية نهنيكم بشهر الصوم=والعلوم الثمينة حان موعدها
يامساعد عليك من السحاب غيوم=السعد برقها والعز راعدها

مساعد بن جبران

عاده الله على الاسلام ليل ويوم=وانت حدر معانيها وصعدها
انجلا غيمها والعاقل المنجوم = سلمك علمها قدام حاسدها

راشد بن فاروع

دارت المعركه مابين فرس وروم=وانت ودك علاقاتك تجددها
يامساعد عزيز ولا يجيك اللوم=مير خايف من الزله توسدها

مساعد بن جبران

فارس المعركه ماهوب نسل رخوم = غصب من بين عدوانه تسيّدها
لا تغرك سواليفن وراها قوم = سوق عمرك على الجزلات واحصدها

راشد بن فاروع

يوم حطيت في بطن العلوم علوم=ليه جنبتها وانت متعمدها
المواقف ماهي جلسه وحب خشوم=خلها جعلها تالع وقايدها

مساعد بن جبران

من زرع له نخل ما هوب حاصد ثوم=لا تسري علومن ما توكدها
عادة الحر الاشقر ما يعوّد بوم=لو حياته بقى منها شرايدها

راشد من فاروع

انته احيان لامعطى ولا محروم=تكرم الناس ويدينك تهبدها
يابن جبران صح النوم مابه نوم=انت وردتها في غير موردها

مساعد بن جبران

للمواقف رجال ولسلوم اسلوم = ما نبي لك شهادة زور تشهدها
غرّك القلب الابيض واختلاف السوم = توك الحين يا راشد تفقّدها

راشد بن فاروع

انت رجال لاكنك كثير حلوم=لاتدور شهاده وانت تاجدها
من تعود على الطيحه ماعاد ايقوم=لابو اصنامها من فوق عابدها

مساعد بن جبران

يا رجالٍ تدوّر لقمة الحلقوم=وآخر ايامها عافت مراقدها
كل شئٍ يجينا بالزمن مقسوم=لو تحطونها في كف جاحدها

راشد بن فاروع

قصدي ابيك يامساعد قوي عزوم=والبنادق على المرمى تسددها
ولا انا خصم وافي لا لقيت خصوم=ولقمتك دسها والنعمه احمدها

مساعد بن جبران

انت عاقل وتدري ما علينا لوم=واليدين القصيره ما نهددها
ما حدٍ كلفك تخلق لنا المعدوم=ابدع ابيات من راسك ومجدها

[فهد مناور]

هذه المحاوره الثانية التي جرت مباشره وحصريا في مجالس قبيلة العوازم

بين الشاعرين :

سعد براك وراشد بن فاروع


-------------------------------

الشاعر سعد براك

يامرحبا والعلم مثل البحر وابليس ملعون = ترحيبةٍ ماقبلها فاللزوم ولا بعدها
ياربعنا يا اهل القرى والبراري وش تقولون= فالناقة اللى ضيروها ولد ماهو ولدها

الشاعر راشد فاروع

دام البقا وابليس ملعون والتقدير مضمون=حييت يالبراك والسابقه تطلع بيدها
نقول ربع ونعم واحيان لايكمن تمونون=إلا إن كفك ياسعد ودها تصفق وحدها

الشاعر سعد براك

طاحت حصاه وولعت بعدها جمره وغليون = طيّب لو اتطيح الجبال الرواسي وش بعدها ؟
لازادت النعمة تخف العقول وتكبر ابطون = والغانم اللي نعمة العقل ياراشد حمدها

الشاعر راشد فاروع

طيحة حصاه من الجبل ياسعد خلتك مجنون=يعني لو اتطيح الجبال الامور امر وادها
لو زادت النعمه ماتخلق صنم له روح وعيون=ومن لاحمد نعمة وليه وقدرها فقدها

الشاعر سعد براك

ان ضقت من دنياك فيّض على المرقاب مكنون = الحجه اللى ماتجمّل ما يوخذ في سندها
اليا عطيناكم مساحة وشفنا وش تسوون = قامت تلاحقنا المشاريه والناس ونكدها

الشاعر راشد فاروع

جر اللحون نقول فنان لو ماعندك فنون=اسمك سعد لكن لياليك ماذعذع سعدها
ياللي تهقويت البحر والبحر ماهوب مامون=جاتك مزون(ن) بالسماء برقها سيبق رعدها

الشاعر سعد براك

اضحكتنى وانا احسبنك تجيب البيت مدفون = لكن رمدا عين ما أظن تسلم من رمدها
وين البحر ماشوف غير الخباري واشعب اضعون = ومزون صيفٍ لو تكاثر فلا يصدق وعدها

الشاعر راشد فاروع

تضحك وصدرك من كلام(ن) يهيل العقل مغبون=ذكرتني فعل النعامه اليا جابت جهدها=
يالله دخيلك روحت كلها من دون في دون=من قشرها ماعاد ننقض حبال ولا انعقدها

[/quote]

[فهد مناور]

هذه المحاوره الثالثة التي جرت مباشره وحصريا في مجالس قبيلة العوازم

بين الشاعرين : محمد مريبد x سالم حمد
-----------------------------------

محمد مريبد

يا هل الصـرح الـذي مـن ذكـر ناسـه ذاع صيتـه=ابتـدا المعنـى الــذي ماتحمـلـه روس الجبـالـي
مـع رفيقـن بعـت غيـره عـن قناعـه واشتريـتـه =لين صار من اصدقاي اللي بقولي راس مالي

سالم حمد

ابتديـنـا والله الـلـي يحـيـي العـبـد ويميـتـه=تحت راية منتدى العطـوان حِمـاي التوالـي
يا خوي الغانمين القـدر يبقـى الصـدر بيتـه =وانت اماري بك وفي خوّتْك لا جالك مجالي

محمد مريبد

الخبـر ياصاحبـي عـن كـل مخلوقـن كميتـه =وانت جاوبني يابن مسفر على قد السؤالي
ضيفك اللي جاك فجأه وانت عن بيتك حديته =صـح مالـه حـق لكـن حدتـه سـود الليـالـي

سالم حمد

ليل ذاك اليوم خرمـس صـح لكنـي سريتـه =قلت ما يقضي اللزوم الا القروم من العيالي
مير جاب الصبح ضيفِ يـا محمـد مـا هقيتـه =مـا يرحـب بـه و لا ينسـاق لـه بـنّ الدلالـي

محمد مريبد

عسعس الليل وسريته واستوى الدرب ومشيته =هل هو الحل المناسب منك يالشخص المثالـي
لـو قصـرت حبـال دلـوك يابـن مسفـر مامليـتـه =تقـدر تشيلـه علـى كفـك قـبـل لــف المحـالـي

سالم حمد

ماش طب بوقتها الا الكي و اقدمت و كويته =والحظوظ تخون يالله جعـل مـا للحـظ وآلـي
اتعب ظهور السواني شيلـة الدلـو و رميتـه=يــم قــاع البـيـر راح الـدلـو تـتـلاه الحبـالـي

محمد مريبد

موقفـك يابـو حمـد وانــت ابتديـتـه وانتهيـتـه=بـس بكـره لايجـي للعلـم الاول عـلـم تـالـي
مير قلي من هدم بيـت القصيـد اللـي بنيتـه =يوم غيري يكتب الشعر الرومنسي والخيالي

سالم حمد

مـوقـفـي والـلــي قـسـمـه الله مـــن ايـامــي خـذيـتــه =مـــا خِـلـق للـحمل غـيــر الهــرش شـيـال الثـقـالـي
كــــل شــاعــر مـعـجـبـه خــطــه ويــقــرى مانـشـيـتـه =والذهب صعب (المنال) ان قلت ليه اقول غالي

محمد مريبد

الجبل طاحت حصاته والقدم سـار وعصيتـه=بس من يقنع ضمير اللي نضامه رأس مالـي
القصايـد دون زفـرات المشاعـر مستميتـه=وانت تدري وش ورى البيت المطرف والموالي

سالم حمد

ما تضر النير طوبه والقدم ياما حفيته=مير عليا جابها الله عند ابو زيد الهلالي
لو تجرّد من مشاعرك الرقيقه ما نسيته=بعد ما كنت الجنوبي ليه سموك الشمالي ؟

محمد مريبد

الجبل ثابت محله وان بغيت ارقى رقيتـه=وابو زيد اليا غزى والا قنص جيته لحالي
دارت الدنيا وربي غير عفـوه مارجيتـه=بلغ اهل الشرق الاوسط عن نظام الاحتلالي

سالم حمد

يا رفيق الدرب زان الدرب يوم انك مشيته=وانت غالي جابك الله لو تسير عند غالي
خطك المكتوب جعلي ما اخلا منّه فديته=مير صح الله لسان الشعر وايام الخوالي

[فهد مناور]

هذه المحاوره الرابعة التي جرت مباشره وحصريا في مجالس قبيلة العوازم

بين الشاعرين :

سعود المحجان و سعد بن رجا






سعود المحجان

يامرحبا في محل المعرفه بالضيـوف=اعداد ماهلًـت الامـزان بامطارهـا

ياسعد يابن رجا عيني وعينك تشوف=وانته تعرف الرجال وتعرف اذكارها

سعد بن رجا

دام البقا يالمرحب عد وبل القنوف=من هاجس ن يرغرب العليا اويختارها

ذكر الحيا من عنا يمه تعبه امخلوف=ياللي تميز يمين الدار وايسارها

سعود المحجان

ياشاعر الملعبه وشصار بين الصفوف=يوم ان بعض النشاما قـل مقدارهـا

لاصار لك شف للعالم سواتك شفوف=والغاليه غاليه ماترخـص اسعارهـا

سعد بن رجا

ماصار غير العوافي وانت رجل ن عروف=والناس ماني عليم ابخافي اسرارها

تحكم على الرجل دورات الزمن والظروف=لو ينقل البندق اللي يعرف اعيارها

سعود المحجان

انته ذبحت الجمل ولا ذبحـت الخـروف=يالصاحب اللي تحوف النـاس واخبارهـا

هات الخبر وانت من عليا تصير امحذوف=ناقتك ياصاحبي تبكـي علـى احوارهـا

سعد بن رجا

ياسعود لا تحط راسك تحت حدب السيوف = ابعد عن المعركه لاولعت نارها
الكلمه البينه متبينه ماتطوف = ناقتك ياسعود نوخها ألجزارها

سعود المحجان

اصابعك عوج وعيونك تعكس الحروف=ابوك سولف لاخوك وجـاك قبارهـا

شعيل يمدح ليا ميًز ببعض الوصـوف=ولا انت زر الثياب اوثـق ازرارهـا

سعد بن رجا

ياراعي الملحمه واللَه مامنك خوف = ريَح ترى الطايره في حكم طيارها
بعض المدايح مجامل مثل صفق الكفوف = وانا اعٌرف السوق والسلعه واتجارها

سعود المحجان

اثيابك امرقعه مابين قطـنٍ وصـوف=تضحك لك الناس وتزمـر بمزمارهـا

الراس ماهو ذنب والقرم غير الضعوف=ادوس خشم الشعر وادووووس شعارها

سعد بن رجا

انا احمد الله مع اهل المعرفه لي وقوف= وامهبل الناس محدن يسمع اشوارها
عوُد على اهل القديح واخاطب اهل الهفوف = وستح على لحيتك لايقل مقدارها

--------------------------------------------

سعد بن رجا

ياسلامي على اهل المنتدى والمتابع = عد مالاح برق الوســـــم في كل يمه
يابن محجان لاكثرت عليك الروابع = اشرب الماء القراح اليا صفت كل جمه

سعود المحجان

مرحبا والضروف الي عليها الطوابع =دسها راعي المشلح وصارت بكمه
لا شربنا شربنا من زلال المنابع =وانت لامن وصلك العلم ياخي ضمه

سعد بن رجا

اختلاف العرب مثل اختلاف الاصابع = شد حيلك وانا بكلفك في مهــــــمه
كان جبت العلوم اقول سبع ن واسابع= وكان ماجبتها ياسعود جبت المطمه

سعود المحجان

ابن سالم بتال الوقت راوي وشابع=والعوازم تحط الزاد في وسط فمه
سجلي يالاذاعه وطبعي يامطابـع=سعد مايعرف البارود حتى يشمه

سعد بن رجا

ودي انشدك وش قصته هذيك التوابع = انتبه ياولد سلوى كلامي تخمه
البنادق حدر ضلعان سلما تقابع = وانت مثل اليتيم اللي فقد شوفت امه

سعود المحجان

ياسعد مركزك مابين خامس ورابـع=وانت تدري بناسٍ لاضميـرٍ وذمـه
اسبوعك السباع اللي بوسط المسابع=امك اتصيح مير ابوك مافـار دمـه

سعد بن رجا

مالقينا الفوايد من حديد القرابع = خسَرت ربحها والمال عيت تتمه
فرصتن جت واراحت مالها ايآت طابع= ماربحها الضعيف ولاخسرها المهمه

[ساير بن عكشان النويعم]

المحاوره الحصريه الخامسه بين الشاعرين المبدعين

طلق بن زاروط+صلاح الشمري

طلق بن زاروط

يا مرحبا في مجالس بني عمي = ترحيب طيب ولو من ورى الشاشه

حضرت حسب الوعد والوعد تمي = ماقلت طرقي ويا بعد مطراشه

صلاح الشمري

يلي ترحّب بمجلسك واتسمّي=يامعزّب الضيف لاتطوي فراشه


عليك تأخير ياوارد الجمي=جينا وبعض العرب مابرد جاشه

طلق بن زاروط

ضيف المعازيب ما هوب ينذمي = وانته معزّب بمجلسك يا باشه


عليك دقات ياخفيّف الدمي = لا صرت من دون غترة و دشداشه

صلاح الشمري

مفروض من قبل لا تاكل تسمي=ضيف ومعزب والافكار منداشه


يلي تصر الصرر بطرف الكمي=محشوم صاحبك والنقص ماحاشه

طلق بن زاروط

ترى سوالفك هذي مهي يمّي = وابو دغش ضاع والسبه إدغاشه


لا تحسبني لشرواك مهتمي = لو قالوا اقشر ووقت القشر عاشه

صلاح الشمري

ان كان جرحك من الريح مشتمي=داوه وضمده في قطنه وشاشه


لو تبتسم حارقن قلبك الهمي=والوبل مابل جوفك برشراشه

طلق بن زاروط

الله يبقي هل العلم يا الأمي = والورع يسكت برضعه وقرقاشه


يالشاعر اللي حرق قلبه الغمي = ما عاد اشوفك على فلاش وافلاشه

صلاح الشمري

لو بعثروك العرب كيف تنلمي=مايجهل الدر والبحر طوّاشه


اختار بثنين بالفن وانضمي=ياطاش ماطاش ياخاله اقماشه

طلق بن زاروط

العام يحذف على راسك الصمي = والشمري مدفعه ضر رشاشه


اللي يبي الضم يجلس وينطمي =وافنون حي الطرب عند عواشه

صلاح الشمري

ان كان مدفعك يرمي ولازمي=راس الضبي لا تدوربه اعراشه


مادامك امدرّس العمي والصمي=مامن هدايه وبالدار قرّاشه

[ساير بن عكشان النويعم]

وهذه المحاورة الحصرية السادسة بين الشاعرين

متعب بن كروز المري + فواز سلمان العازمي

__________________________


متعب بن كروز المري

سلام رديت وفا من شاعر (ن)نهجه صحيح=رديتن تبهج صدور اهل الكرم وتسرها
لهل الوفا حق وقدر والسمح له وجهن سميح=واهل العلوم الطيبه نرتاح يومن نمرها

فواز سلمان العازمي

يامرحبا من شاعرن موهوب وألسانه فصيح=في شاعرن يفتل وينقض واللحون يجرها
مريت عبر المنتدى اللي منهج اصحابه نصيح=والشر مامن شرّ والدنيا كفا الله شـــرها

متعب بن كروز المري

اليل يافواز نبغا السلفه مزح ومديح=تحرها مزحه خفيفه طيبه تحرها
مايبلش الجراح دامنه معه طب الجريح=رجلك على درب الصعايب يازميلي جرها

فواز سلمان العازمي

وشلون تمزح وانت تشطب قاف وتقوم وتطيح=وانا ادمح اللي صار واضفي بدلتك وآزرّها
وكالة الالمان تفرق عن وكالات الجميـــــــح=لان الجميح ادنى مسافات الدروب تضـــرها

متعب بن كروز المري

ترى الكواكب فالسما وانت على لرض وتصيح=غير ملامح بشرتك برد السنين وحرها
انته تدور شي كايد والزمن كفه شحيح=والقاع جنبها الخيال وقام يدبي ذرها

فواز سلمان العازمي

مانته بكوكب ينبعث نورك على الكون الفسيــح=انته بشر وتلاوح بيمنــــاك ليــن آفــــــــــرها
من (شاعر المعنى) وشعرك تلتحه مثل اللتيح=من بين روسن لابغيت الصدق مثل اغترّها

متعب بن كروز المري

بعض العرب بدناة حاجه لاهرج سده يبيح=لانه ماجرب فالزمن حلو الضروف ومرها
دخلت فالبستان ادور لثمر حصلت شيح=والشيح ماينفع هل البستان اكيد يضرها

فواز سلمان العازمي

الخبل ماني له خوي والثور ماني له نطيـــح=وهروج بعض الناس ماني ميّتن من حرها
وصّفت بستانك على شعرك دليل انك صريح=الشاعر المري بغى الفرصه لكنه غـــــرها

[ساير بن عكشان النويعم]

المحاورة الحصرية السابعة بين الشاعرين

سعيد الشهيب العتيبي+عبدالله بن كليب العازمي


عبدالله بن كليب

يامـرحبـا في محـل العزوه اللي ترفع الراس = ترحيبـت الشاعر اللي ما أختلف نهجـه ودينه
ياسعيـد حرًك بنات الفكـر وأطرق كل هوجاس = وأنـا بعلمـك في علمي ليامـن حان حينه

سعيد الشهيب

دام البقاء عد ما خط القلم في كل قرطاس=يارعي الطيب فالحاضر وفي ماضي سنينه
اهجوسنا حاضره بالمعرفه لا هب نساس=كلاً يحاسب ياعبدالله على شرعه ودينـه

عبدالله بن كليب

سعيـد شاعـر ليـا غنـى ويبنيهـا على ساس = لكـن شفـت الحزن يـاسعيـد بالعيـن الحزينـه
جتنـي علـوم المطـر وأرسلـت للريضان عساس = ريضانهـا يالعتيبي بين مكـه والمدينـه

سعيد الشهيب

ماهو بحزنن على نفسي ولا في روحي اوقاس=احزن على ناس ذمتها علـى سيـر المكينـه
وان كان خلت المطر يالعازمي دور لك الباس=وانحر بروق الحياء قـدام تشعـر بالغبينـه

عبدالله بن كليب

ويـن أنت يوم البلـد ياصاحبـي ضايق ومحتـاس = لاتتهمنـي وأنـا اللي حط يمنـاك بيمينـه
العـود سالم وأعررف أهل الوفـا والسيـف والطاس = يومـ(ن) غيـرري تلوى من كبينـه فـي كبينه

سعيد الشهيب

انت ونعم ما اتهمتك مار اشوفك سرت حساس=ما ينمغص غير من ياكل من القرص العجينـه
انته من اهل الكويت ومقرب الكهرب من الماس=والله يبـارك لكـم ياهـل المواقيـف الثمينـه

عبدالله بن كليب

الظاهـر أنك من الحمـى ضربـت أخماس بسداس = لكـن أبقرا علـى راسك وتغشاك السكينـه
ياطيـب من يقتـدي باللي يقول الناس للنـاس = وشـوي أعلمـك فـي قصه عتيبـه مع جهينه

سعيد الشهيب

كليب ما هو مصدق يغدره بالرمـح جسـاس=وانته على نيتك من صبح في وسط السفينـه
لومي على التاجر اللي يكتتب في بنك الافلاس=وعتيبه اهل وفاء وحصون للافـي حصينـه

عبدالله بن كليب

لا شفـت صورتـك بالصفحـه طرالي باشت الحاس = لكـن هيدي شوي شوي يالنفس اللعينه
والله ماقلت فيـك قصـور ميـر العالم أجنـاس = وأنـا من أهل الوفـا والطيب وجنـوبي متينه

سعيد الشهيب

الصوره اللي بدت لك يا لبيب القلب قرناس=من عادته مايوقع غير في ظهر السمينـه
ياعازمي مثل ما يقلون سار العرق دساس=الله يعينك ومثلـي ياعسـى ربـي يعينـه

[ساير بن عكشان النويعم]

المحاورة الحصرية الثامنة لمنتدى قبيلة العوازم الرسمي
بين الشاعرين
محسن المحيلبي+سالم حمد الملعبي

محسن المحيلبي

سلام ردية وفا . ومبارك الشهر الفضيل=من هاجس ٍ صيده فرايد مايجيب هزالها
الليلة المعني بحر . والليل ياسالم طويل=إمّا تجيب الذاهبه والاّ تجيـب عيالهـا

سالم بن حمد

الله يبارك فيك ويعيده علينا جيـل جيـل =يا مرحبا من هاجسٍ ينقى خيـار جازلهـا
ان كان متنك متن يا محسن وللحمله يشيل=نوّخ ترى ماللحمول الا ظهـور جمالهـا

محسن المحيلبي

وابك البقا والله يجملنا ويعطيك الجميـل=والله يجازي راعي الحسنه بعشر امثالها
كثر السوالف والمناوي ماتحقق مستحيل=الله يبارك للعـرب برجالهـا واموالهـا

سالم بن حمد

بيض النوايا واضحه ماهيب في حاجة دليل=يقطعك يا شَجْرة مقيل ولا يظـل ظلالهـا
راح الكثير ولا بقى يا صاحبي كود القليـل=اليا ادبرت حنا لها واليا اقبلت حنـا لهـا

محسن المحيلبي

ثلاثة ارباع الشجر ماوفّر بجنيه حصيل=مال الخمايل ذنب لو شح العنب بسلالها
والدوحة الخضرا قفلها بالمفاتيح البخيل=لابارك الله حرثها وغروسها واقفالهـا

سالم بن حمد

ريّح جنابك ما خلقك الله على خلقـه كفيـل=واللي (فعلها) غير بالموقف عن اللي (قالها)
لكن تعال و لدّ عينك يا خًوي مدري زميـل=المهره الطامح بعد طيحَتْـك مـن خيالهـا؟

محسن المحيلبي

قصر النظر شرارة ٍ طاحت علي راس الفتيل=الله يهونها علـي خلقـة ويستـر حالهـا
ماقلت لك يابو حمد مبطي وانا عابر سبيل=من سالف الازمان والدنيـا علـي موالهـا

سالم بن حمد

حنا نبي الزبده لكنّ الزبد دقّر بالصميل=افطن على بعض العلوم دقاقها و جلالها
انا عجزت اعنّزك يالغصن وتعوّد تميل=قلنا تقديك النجوم . وتنّجـم بهلالهـا

محسن المحيلبي

المشكلة تالي الزمن من صاحب الفكر الدخيل=خالف مواريث العرب وسلومهـا وافعالهـا
ماانت بوصي ٍ لي ولاني لك من العالم عديل=احمل ذنوبك واترك العالـم تـروح بفالهـا

سالم بن حمد

اللي ما يرضى بالسمين اصبر ويرضى بالهزيل=في هالزمـن شاخـت مقرّدهـا علـى عقّالهـا
يمكن (سنام) ازعل ( طميّه ) وافترق خل وخليل=الناس تنظر كـان لـك حيلـه تبـي تحتالهـا

محسن المحيبلي

الراس طايل بالسما ماينتكس ويصير ذيـل=لو جاهرت بعض العرب بجنونها وخبالهـا
ماهيب لحية ردّها راحت معا مجري المسيل=تشربكة حلقاتهـا ... دور علـي حلالهـا

سالم بن حمد

من فوق راسك حنظله واللي تحت رجلك شتيل=اما تبي تنزل لها والا تبي ترقى لها
يا عزتي لك يالحوّير عاد باقي فيك حيل=ابرك وخل حمولها يبلـش بهـا جمالهـا

محسن المحيلبي

اثريك ياسالم علي قول المثل حطاّب ليل=قشيتها وانا نصحتك طيعني واصحالها
يامكبّر اللقمه تركد لاتشـرّع بالزبيـل=من عام الاول حالتك ياصاحبي يرثالها

[ساير بن عكشان النويعم]

المحاورة الحصرية التاسعه لمنتدى قبيلة العوازم الرسمي
بين الشاعرين
خالد بن سكران+سعد براك


خالد بن سكران:

مرحبـا ترحيبتـن مـا مثلهـا ترحيبـه=في محل(( أهل الكرم والطيب)) والأجوادي
((شاعر المليون)) كلن عارفـن ترتيبـه=أنتهى وقته ووقتـك والسيـوف احـدادي

سعد براك:

البقا والاجودي مثلك يميـز طيبـه=في محل العز والتاريخ والامجـادي
شاعر المليون موقف فيه عز وهيبه=يوصله صنديد ماياصله حادر وادي

خالد بن سكران:

يا ((سعد براك)) راسك زايدن بـه شيبـه=فيك كبر السن والا عايشـن بجهـادي ..؟
الكلام اللـي تقولـه فيـه شـك وريبـه=((النساء)) معكم تغنى والعباد اشهادي ..!!

سعد براك:

انت اخذلك فـي زمـان العولمـه تغريبـه=وإن صحيت من التغرب بوس كفك عـادي
( النساء ) وصلن وبعض الناس فاتح جيبه=كـل ماغنـي يصـوت للفشـل وينـادي

خالد بن سكران:

انت لا ضاقـت بـك الدنيـا بـلاك تجيبـه=كنك (( الصحاف)) يوم أنه حكـم بغـدادي
اعتزي بعيال عمـي مـا اعتـزي بعتيبـه=((الجمل)) وسمه تشوفه والشداد اشدادي..!!

سعد براك :

خالد السكران شاعر مير شعره عيبه=لو ندله للطريق الصح غادي غادي
الغبي وان ضاع قلنا يقطع الله صيبه=بارك الله في فعول معرب الاجـدادي

خالد بن سكران:

ياكثيـر الهـرج مـيـر الفـعـل مــا ندريـبـه=زول ((ذيب)) وفعل ((حصني)) في ثياب اجدادي ..!!
فـوق راس الضلـع خـلـك لاتـجـي بشعيـبـه=((البروق)) تلـوح فوقـك واطلـب الامـدادي..!!!

سعد براك:

انته املس دقن ومرطب بـلا ترطيبـه=ودقنك يحرم عليه المـوس ابـو ردادي
ياحبيب امك .. وقوفك في الملاعب خيبه=الجمل شقـران مايثـر عليـه اقـرادي

خالد بن سكران:

من ورى ((الزلفي)) مع ((الرس)) دربك وتسريبه=كل مـا ضاقـت عليـك اتباشـر الـورادي...!!
أن هرجـت امصيبتـن وليـا سكـت امصيبـه=ياجمل من غير وسم وفي يديـك اقيـادي....!!!

سعد براك:

تكرم اخلاقي وهذا طبعك وتحريبـه=وانت مدامك كذا ما اظن جوك هادي
خالد السكران لا خرفن يرز اذنبيـه=ودنا نمزح عليه وغبـط العـدادي

[ساير بن عكشان النويعم]

المحاوره الحصريه العاشره لمنتدي العوازم الرسمي

بين الشاعرين
محمد مريبد+راشد بن فاروع

محمد مريبد

ياسلام الله سلامن يذخره راشد لضيفـه=بقسمه نصفين للاعضاء وراشد بالتساوي
شاعرن بعد ارتحل نواف سميته خليفـه=والخليفه يوم وقفني بدربه ويش نـاوي

راشد فاورع

السلام تقسمونـه ياجماعـه بالنصيفـه=مرحبا وانا عن المنصوف يامحمد غناوي
يخدم الفارس فعل يمناه ولا فعـل سيفـه=وإنت من عد الروى ميرادك العهد الرهاوي

محمد مريبد

حقي اكبر عند راشد من خطا كلمه خفيفه=واعتبرني ياوسيع المعرفه رجال هـاوي
لكن ابعطيك سرن قد سمعته عن حذيفـه=وانت بصرك ياتقاود للرسن والا تـلاوي

راشد فاروع

قدرك اكبر من بيوت الشعر والحمله كليفه=والمواقف تفرق الا بطال يالقلب الهواوي
البلا راع الشداد اللي طمع لقمـة رديفـه=والشهود اثنين ماتحتاج حلف ولا فتاوي

محمد مريبد

والله اني موجسن من جانبي الطور خيفه=والمطر ماينبت الاشجار بالواد السناوي
درهمت فيهم ذلول القوم مومية السفيفه=والمصيبه طاحت اللقمه وخابن الهقاوي

راشد فارووع

لا تخوَف والكرم ما كف كفه عن مضيفه=لكن احذر لا تبيع الجيب في وارد عراوي
الله إنه يقطع الاشوار والارياء الضعيفه=الحقيقه لو بحثنا ماحرثنـا إلا البـلاوي

محمد مريبد

ماهقيت ان الحليف يبور في رفقـة حليفـه=والا انا اطلع في مكان العز مطلاع النـداوي
كل واحد وده ان اقـرب قناتـن تستظيفـه=لين صارت هرجة اهل المعرفه هرجة قهاوي

راشــد فاروع

لا تطاولني ترا ضربة يديَ ماهـي خفيفـه=والله إني في بحور المعرفه نجـمٍ سمـاوي
جلستي في عز لو مالقا طعـام ولا وظيفـه=خير لي من جلسةٍ يضحك بها عشرين واوي

محمد مريبد

البروق تلوح فوقك وانت في وادي حنيفه=ماصدمت الا جبال طويق يابر الصـداوي
لاابتدا المشوار (لّوحنا) على ظهر العسيفه=ماحسبنا في قنيب الذيب لو الذيب عـاوي

راشد فاروع

يابروق الصيف منك ديارنا ماهـي مريفـه=واكثرك سبت ذنوب أهل المدينه والشـواوي
انتهاء المشوار لكـن سجلوهـا بالصحيفـه=وافرقو ما بين سعر الكوت والبشت الحساوي