يامن يفجر مساجدنا بتدبيره=مايدري المسجد بيت الرب سبحانه
وش عذره قدام ربه ويش تبريره=ياوين دينه وعقله وين برهانه
قتل البريين ماله واحداً غيره=فالنار يرمى وهي داره ومسكانه
هو ليه ماقاتل الكفار تكفيره=مفجر مفخخ أهل الدين وإيمانه
مرسول داعش ولاعبتاً بتفكيره=إللي لهم في خليج العُرب هجانه
يالله عساهم من الحفره لدحديره=ويالله عسى مالهم في هالبلد خانه
ويالله عساها مفلستاً مشاويره=والله يقضي على داعش مع أعوانه
حنا جنود الوطن حنا طوابيره=ناقف بوجه العدا وكلاً له أوطانه
ومن ماحمى الدار ماله غيره وديره=جيوشاً بتاخذه وتفوز عدوانه
هذا وطنى نعيش بأمنه وخيره=من فضل رباً حمى بيته مع أركانه
ومن ثم في فضل حاكمنا وصقاقيره=حكامنا إللي لهم مجداً وعنوانه
أل السعود الفخر عز وتباشيره=رعود مع بارقه والخير وأمزانه
يا أهل الدين والطيب ومغاويره=هم الفخر والذخر لاثار دخانه
لهم الولا والغلا وطيب ومباخيره=معه جزيل الشكر والطيب عرفانه
التوقيع - عيد مشعل
راح العمر كله وأنا أبدع قصايد=وسنين عمري كلها في قصيده
اللهم انتقم من نعجه سوريا المجرم وأعوانه ومن والاهم ، اللهم يا حي يا قيوم يا جبار السموات والأرض أرنا فيهم عجائب قدرتك ، اللهم احصهم عددا واقتلهم بددا ولا تغادر منهم أحدا،،، اللهم رحماك رحماك باخواننا المسلمين المستضعغين في سوريا الحبيبه ، اللهم وعجل بفرجهم يا رب العالمين ، ولا حول ولا قوة الا بالله .