ما قصة جامعة الكويت !! - الصفحة 2 - شبكة مجالس قبيلة العوازم الهوازنية

**خالد بن حمد** · 01-10-2009, 01:44 PM

لأن في ذاك الوقت كانت نسب الطلاب ضعيفة
وبذلك لو وضعوا نسبة القبول بالتسعينات فلن يقبل احد

ولكن في الوقت الحالي تجد النسب ترتفع

وسبب تغير النسب كل عام هو نتائج الطلاب

فأنت تجد ان نسب القبول الفوري لا تتحدد الا عند قرب امتحانات الثانوية

**عبدالله** · 02-10-2009, 03:06 AM

أنرت موضوع بهذا المرور الطيب والمداخلات القيمة

أن لم أرجع لنسب التسعينيات بل لقبل 4 أو 5 سنين

فالنسب لا ترتفع بسبب نسب الطلبة ... لو كان الأمر كذلك لما قلنا شيء

والدليل قبل يومين صرح مدير الجامعة بأنه سيتم رفع النسب لتقليل قبول الطلبة

بسبب عدم إمكانية إستعياب تلك الأعداد ... وهذا هو المحك
أن الأمر يقاس بالكم وليس التطور أو ما شابه ذلك

فهم يجدون أن هذا هو الحل الأمثل وما يجب اتباعه في حل المشاكل المتعلقه
وأنا هنا أقول عكس ذلك هناك سبل كثيرة وأنفع

**محمد الغريّب** · 02-10-2009, 03:17 AM

يــعــني ماكوو اخـوي عـبداللهـ الا ان ندرس بجـامعـات خااصهـ

احــســن وافضــل...

تـقبـل مروري /

محمد الغريّب

**خالد بن حمد** · 02-10-2009, 03:32 AM

والله ما عندي علم بهالتصريح فلو كان صحيح فمال طلاب الكويت الا انتظار جامعة الشدادية

بس متأكد انهم يرفعون النسب بحسب نسب الطلبة

أسعدتني المداخلة معك في مدونتك
والله يوفق الجميع لما يحبه ويرضاه

**عبدالله** · 03-10-2009, 02:29 PM

حياك الله أخي الشامخ

وزدت مدونتي نوراً على هذا المرور الكريم

ونسأل الله في نهاية الأمر اليسر والتهسيل على الطلبة

وعدم سد الأبواب في وجوههم

**Giovanni** · 04-10-2009, 08:38 AM

مرحبا

اخوي رفع النسب صار شي عادي...وهذا الموضوع ما يخص الجامعة بس ..الكويت كلها...

زاد عدد السكان (الكويتيين) و صار القبول مو بالساهل و الحصول على وظيفة على سبيل المثال مو بالساهل مثل قبل ...الحين لازم تنطر والخ..

نرجع لموضوع الجامعة...
شي طبيعي رفع النسب ليش؟ لان عدد الطلبة زاد وقدرة الجامعة الاستيعابية ما تتحمل خلاص...واللي ماعنده نسبة تدخلة يروح للجامعات الخاصة او التطبيقي..وخصوصا ان في بعثات داخلية للجامعات الخاصة يعني مو شرط يكون الطالب -الطالبة عالة على اهلة....الدولة تتكفل بالمصاريف وفوق هذا ياخذ المكافأه الطلابية حال حاله طالب الهيئة العامة للتطبيقي او جامعة الكويت...

الجامعة اسمها (هارفرد)...وهذي وين وجامعة الكويت وين...اخوي هذي الجامعة لا تقارن بجامعة الكويت بتاتا البتة وانت بمقارنتك هذي ظلمت جامعة هارفرد..

لكن بالنسبة للنسب هارفرد بالغالب ماتقبل الا 95% وفوق!
يعني جامعة الكويت اقل طبعا!

وفي الختام السلام

**أميره الورد** · 18-07-2012, 02:31 AM

والله عاد أنا حاطة بالي ادخل الجامعة اذا تخرجت السنة هذي بس شكلي بدخل على طول التربيه الاساسية شرايكم ادخل شنووووو بليز ردو ضروري