.
.
.
.
.
.
بعد طول الغياب اللـي بـدون أعـذار=كيف تنسـى مواقيفـي وتنسانـي..؟
والله انـي بهجـرك مابغيـت أنهـار=لين عجزت متونـي شيلـه احزانـي
أول الوقت .. في قلبـك ولـي مقـدار=وآخـر الوقـت .. دوّرنـي وتلقانـي
بين قسوه حياه .. وبين ضيـع افكـار=أتلفـت ولا ألقـى غـيـر عـدوانـي
أنكسـرت وضلمنـي وقتـي الـغـدّار=يكفي اللي مـن غيابـك . وماجانـي
أنـت خليتنـي مابيـن نـار وغــار=الضحيـه غـلا .. والمـوت مجّانـي
وعند لحظه ذهول . احترت ويش اختار=ان بقيت احترق . وان رحت وحدّانـي
لين شاب الغـلا فينـي وانـا محتـار=مابغيـت الشقـى لكـنـه اشقـانـي
مابقى في قلـوب العاشقيـن اسـرار=يـوم بدلتنـي فـي واحـد(ن) ثانـي
لاتعـوّد علـي ان كـان وقتـك جـار=بس باقي طلب سـوّه علـى شانـي!
احتـزم للفـراق وكمّـل المـشـوار=وكـان مريتنـي صدفـه .. تعدّانـي
ولا تعذر .. ترى ماعـاد فيـه أعـذار=عقب بدلتنـي فـي واحـد(ن) ثانـي